بۇرىنعى تالاي سايلاۋدىڭ دا كۋاسىمىن. وندا دا تولقىعانمىن, تەبىرەنگەنمىن. ال بۇل جولعى سايلاۋدىڭ ءجونى مۇلدە بولەكتەۋ بولدى. تاڭ سارىدەن تايلى-تاياعىمەن سايلاۋ ۋچاسكەلەرىندە كەزەككە تۇرعان جۇرتشىلىقتى جەتەلەگەن نە قۇدىرەت؟! مەنىڭشە, ولاردى جەتەلەگەن – بولاشاققا دەگەن سەنىم. بەيبىت كۇنگە, بەرەكە-بىرلىككە, ىنتىماقتى تىرلىككە دەگەن تولاسسىز ءۇمىت. جۇرەگىمە ۇيالاعان وسى ءبىر سەنىم مەنى دە تاڭسارىدەن سايلاۋ ورنىنا جەتەلەدى. داۋىس قاعازىن قولىما ۇستاپ تۇرىپ, ەلباسى باسقارىپ وتىرعان ەلىمىزدىڭ وتكەن جولىن كوز الدىمنان وتكىزگەندەي بولدىم. ايتىپ تاۋىسا الماس جەتىستىكتەردىڭ ءبارى پرەزيدەنت ۇيىستىرعان جەڭىستەردىڭ جەمىسى. باسقاسىن قويا تۇرىپ, كوپ قاسىرەتتى باسىنان وتكىزگەن قازاق ءتىلىنىڭ ءوزىنىڭ ەڭسەلى بيىگىنە كوتەرىلە ءتۇسۋىنە جاساعان پەرزەنتتىك ەڭبەگىنىڭ ءوزى نەگە تۇرادى.
ەلباسىنىڭ ەل باسقارۋداعى ايرىقشا تالانتى مەن ەڭبەكقورلىعىنا ەلدىڭ كوزى ابدەن جەتكەن. سوندىقتان دا ەل ءوزىنىڭ بولاشاعىن ون ويلاپ, ءجۇز تولعاپ بارىپ, نۇرسۇلتان ءابىش ۇلىنىڭ قولىنا كۇمانسىز تاپسىرىپ وتىر. قازاقتار عانا ەمەس, بۇكىل قازاقستاندىقتار دا ەلباسىنا قالتقىسىز سەنەتىنىن تانىتتى. ءاردايىم امان بولعانىن تىلەدى.
انا ءتىلىن ءوزىنىڭ ار-ۇياتىنا بالايتىن حالىقارالىق «قازاق ءتىلى» قوعامىنىڭ ميلليونعا تارتا مۇشەسىنىڭ دە تىلەگى وسى.
ومىرزاق ايتباي ۇلى,
حالىقارالىق «قازاق ءتىلى»
قوعامىنىڭ پرەزيدەنتى, اكادەميك.