تۇركىستانداعى العاشقى «جايلى مەكتەپ»

بۇل باس­تاما اپاتتى جانە ءۇش اۋىسىم­دىق مەكتەپتەر ماسەلەسىن شەشىپ, وقۋشى ورىندارىنىڭ تاپشىلىعىن جويادى. بيىل تۇركىستان وبلىسىندا جالپى سىيىمدىلىعى 17 800 ورىن بولاتىن 29 جايلى مەكتەپتىڭ قۇرىلىسى جۇرگىزىلىپ وتىر.

جايلى مەكتەپتەردىڭ العاش­قىسىنىڭ اشىلۋ سالتاناتىنا وبلىس اكىمى دارحان ساتىبالدى مەن ءبىلىم سالاسىنىڭ ارداگەرلەرى قاتىستى. جاڭا ءبىلىم ۇياسى قالاداعى 2 مەكتەپ­تەگى جۇكتەمەنى ازايتۋعا مۇمكىندىك بەرەدى. ءبىرىنشى كەزەكتە مۇندا №28 مەكتەپ-ليتسەيىنىڭ وقۋشىلارى كوشىپ كەلدى. قازىرگى تاڭدا 66 پەداگوگ اۋىسۋ تارتىبىمەن, 7 پەداگوگ كونكۋرستىق تارتىپپەن قابىلدانعان. وقۋشى سانىنىڭ تولىعۋىنا قاراي وزگە دە ۇستازدار كونكۋرستىق راسىممەن قابىلدانا­تىن بولادى. ارنايى ىرىكتەلگەن ۇستاز­داردان بولەك, قارجى, شارۋا­شىلىق قىزمەتكەرلەرى جۇمىسقا الىنعان. 

وبلىس ورتالىعىنىڭ جاڭا قالا اۋماعىندا سالىنعان 4 قاباتتى ءبىلىم ورداسىنداعى فيزيكا, حيميا, بيولوگيا جانە روبوتتەحنيكا كابينەت­تەرى زاماناۋي جابدىقتارمەن قامتىل­­عان. ءبىلىم الۋشىلاردىڭ جان-جاقتى دامۋى ءۇشىن مەكتەپتە سپورت, شەبەر­لىك زالدارى, زەرتحانالار مەن دەمالىس ايماقتارى ۇيىمداستىرىل­عان. جوعارى جىلدامدىقتاعى ينتەرنەتكە قوسىلعان. باستاۋىش پەن جوعارى سىنىپ وقۋشىلارى جەكەلەگەن بلوكتاردا وقيدى. بالالار­دىڭ جاس ەرەكشەلىگىنە وراي بلوكتار­دىڭ ارقايسىسى وقۋ سىنىپتارىمەن, سانيتارلىق توراپتارمەن, سپورت زالدارىمەن جانە جەكەشە­لەگەن كىش­كەنە شكافتارمەن قامتىل­عان. ەرەك­شە قاجەتتىلىگى بار بالالار ءۇشىن ينكليۋزيۆتى كابينەتتەر, پاندۋستار, جەدەل ساتىلار, ارنايى بەيىمدەلگەن اجەتحانالار سالىنعان. «وبلىستا ءبىلىم سالاسىنا ەرەكشە كوڭىل ءبولىنىپ كەلەدى. وقۋ-تاربيە جۇمىستارىنا قولايلى جاعداي جاساۋ ماقساتىندا وبلىس اكىمدىگى بارلىق قاجەتتى شارانى قابىل­داپ وتىر. سونىڭ ىشىندە ءبىلىم وشاقتا­رى­نىڭ اۋماعى مەن عيمارات ىشىندە وقۋشىلاردىڭ قاۋىپسىزدىگىن تولىق­تاي قامتاماسىز ەتۋ باستى مىن­دەت­تەر قاتارىندا. مەكتەپتەر بەينە­­باقىلاۋ, دابىل جۇيەلەرى­مەن قام­تىلىپ, پوليتسيانىڭ جەدەل باسقارۋ ورتالىعىمەن ينتەگراتسيالاندى. سىزدەردىڭ مەكتەپتەرىڭىز جاي عانا جاڭا عيمارات ەمەس. بۇل – دامۋ مەن وقۋ ءۇشىن تاماشا جاعداي جاسالعان ورىن. ەلىمىزدىڭ بولاشاعى – ءبىلىمدى ۇرپاقتىڭ قولىندا. ولار­دىڭ وقۋدا وزات بولىپ, قوعامنىڭ بار­لىق سالاسىندا بيىك بەلەستەردى باعىن­دىرۋىنا تىلەكتەسپىن», دەدى وبلىس اكىمى مەكتەپتىڭ اشىلۋ سالتاناتىندا.

جوعارىدا ايتىپ وتكەنىمىز­دەي, پرەزيدەنتتىڭ تاپسىرماسىمەن جۇزەگە اسىپ جاتقان «جايلى مەكتەپ» ۇلتتىق جوباسى اياسىندا وبلىستا 29 مەكتەپ سالىنادى. جالپى, «جايلى مەكتەپ» ۇلت­تىق جوباسى شەڭبەرىندە 2023-2025 جىلدارى جوبالىق قۋات­تىلىعى 49 مىڭ وقۋشى ورىندىق 63 مەكتەپتىڭ قۇرىلىسىن جۇر­گىزۋ جوسپارلانعان. وبلىس اكىمى­نىڭ ورىنباسارى بەيسەنباي تاجىباەۆ­تىڭ ايتۋىنشا, جايلى مەكتەپتەن بولەك وبلىستىق بيۋدجەتتەن جانە ارنايى قوردىڭ قارجى كوزدەرىنەن 20 مەكتەپ پەن 1 مۋزىكالىق مەكتەپ بوي كوتەردى. ونىڭ تورتەۋى ەل يگىلىگىنە تاپسىرىلعان. قالعان مەك­تەپتەردىڭ قۇرىلىسى ءجۇرىپ جاتىر. جالپى, بيىل 14 ءبىلىم نى­سانىن تاپسىرۋ كوزدەلسە, 7 مەك­تەپتىڭ قۇرى­لىسى كە­لەسى جىلى اياقتالادى دەپ جوسپار­لانىپ وتىر. ءتۇر­­لى جوبا مەن قارجىلاندىرۋ كوز­­دەرى ەسە­بىنەن ەكى جىلدا 50 ءبىلىم نىسا­­نى پايدالانۋعا بەرىلگەندە وڭىر­دەگى اپات­تى جانە ءۇش اۋىسىمدى مەك­­تەپ­­­­تەر ماسەلەسى تولىق شەشىمىن تابادى.

تۇركىستان وبلىسى