ۇلى وتان سوعىسىنداعى قازاقستاندىق جاۋىنگەرلەردىڭ وتانعا دەگەن سۇيىسپەنشىلىگى, ەلىنە دەگەن ماحابباتى بولاشاق بەيبىت ءومىر ءۇشىن ەرلىككە باستادى. ولاردىڭ ەسىمى قازىرگى ۇرپاقتىڭ ەسىندە ماڭگى ساقتالادى.
سول ءبىر سۇراپىل سوعىسقا مەنىڭ دە اكەم الماتى وبلىسى, بالقاش اۋدانىنان شەڭگەلباي باكەنوۆ جانە انام جامال ينەبەكوۆانىڭ باۋىرلارى دا اتتانعان ەدى. اكەم سوعىستا مەرگەن-اتقىش بولىپ, بىرنەشە جاۋىنگەرلىك تاپسىرمالاردى ابىرويمەن ورىنداپ, ءى دارەجەلى «داڭق» وردەنىمەن ماراپاتتالعان جانە «بەرليندى العانى ءۇشىن» مەدالىمەن ماراپاتتالعان.
قازاقستاندىق جاۋىنگەرلەردىڭ قاتارىندا اكەم شەڭگەلباي ۇلى جەڭىسكە ءوز ۇلەسىن قوسىپ, بەرلينگە دەيىن جەتىپ, رەيحستاگتىڭ الدىندا وتكەن جەڭىس پارادىنا قاتىسىپ, كەيىن جاپونيانىڭ كۆانتۋن ارمياسىن تالقانداۋعا دا ءوز ۇلەسىن قوسقان ەرجۇرەك جاۋىنگەر. سونداي-اق, ۇلى جەڭىسكە زور ۇلەسىن قوسقان تىلداعى ەڭبەكتى ايتپاسقا بولمايدى. قارتتارىمىز بەن انالارىمىز, جاس بالاعا دەيىن كۇندىز-ءتۇنى ەڭبەك ەتىپ, مايدانداعى جاۋىنگەرلەردى وق-دارىمەن, ازىق-ت ۇلىكپەن, كيىم-كەشەكپەن قامتاماسىز ەتىپ وتىردى.
مەنىڭ انام جامال ينەبەكوۆا ەكى ءتىلدى بىردەي مەڭگەرگەن ساۋاتتى ادام بولعان. سوعىس باستالعاندا انام 18 جاستا ەكەن. جاس بولسا دا تىلداعى ەڭبەككە بەلسەنە قاتىسىپ, كومسومول كوميتەتىنىڭ حاتشىسى, ەسەپشى, بايلانىس جۇيەسىنىڭ قىزمەتىن اتقارىپ, اۋدان مەن كولحوز اراسىنداعى كۇندەلىكتى ەڭبەك مايدانىنداعى مالىمەتتەردى جۇيەلەپ, اۋدانعا ەسەپ بەرىپ وتىرعان. تاعى دا باسقا قىزمەتتەر اتقارا وتىرىپ, ۇلى جەڭىسكە وزىندىك ۇلەسىن قوسقان. انام جامال ينەبەكوۆا 1947 جىلى سسسر جوعارعى سوۆەتىنىڭ بۇيرىعىمەن «1941-1945 جىلدارداعى ۇلى وتان سوعىسىنداعى ەرلىك ەڭبەگى ءۇشىن» مەدالىمەن ماراپاتتالعان.
قازاقستان حالقى سوعىس جىلدارىندا باسىنا تۇسكەن قيىنشىلىقتاردى كوتەرە ءبىلدى. ولار كەسكىلەسكەن شايقاستاعى ەرلىكتە, تىلداعى ەڭبەكتە قاراپايىمدىلىق پەن ۇلىلىقتىڭ ونەگەسىن كورسەتتى. بىرلىك پەن تاتۋلىق بار جەردە الىنبايتىن قامال جوق ەكەنىن دالەلدەدى.
جىبەك باكەنوۆا,
ورتا مەكتەپ-گيمنازيا مۇعالىمى.
قاپشاعاي.