ەلباسى نۇرسۇلتان نازارباەۆ اديزەس ينستيتۋتىنىڭ باس ديرەكتورى يتسحاك اديزەسپەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا ينستيتۋتتىڭ قازاقستانداعى ءىرى كومپانيالارمەن ىنتىماقتاستىق ماسەلەلەرى تالقىلاندى.
مەملەكەت باسشىسى باسقارۋدىڭ وزىق قاعيداتتارىن ەنگىزۋدىڭ, وتاندىق كومپانيالار قىزمەتىنىڭ تيىمدىلىگىن ارتتىرۋ ءۇشىن تياناقتى ستراتەگيالىق جوسپارلاۋدىڭ ماڭىزدى ەكەنىن اتاپ ايتتى.
ي.اديزەس مەملەكەت پەن بيزنەس اراسىنداعى ءوزارا ءىس-قيمىلدىڭ نەگىزگى اسپەكتىلەرىنە قاتىستى پىكىرلەرىن ءبىلدىردى. بۇل ورايدا, ول قازاقستان ەكونوميكاسىنىڭ باسەكەگە قابىلەتتىلىگىن كۇشەيتۋ ءۇشىن نەگىزگى قۇرىلىم بولىپ سانالاتىن «سامۇرىق-قازىنا» ۇاق» اق-تىڭ ترانسفورماتسيالاۋ باعدارلاماسىن ءارى قاراي جۇزەگە اسىرۋدىڭ ماڭىزدىلىعىنا توقتالدى.
سۋرەتتەردى تۇسىرگەندەر
س.بوندارەنكو, ب.وتارباەۆ.