مەملەكەت باسشىسى نۇرسۇلتان نازارباەۆ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى قوزى-كورپەش ءجاڭبىرشيندى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ەسەپ كوميتەتىنىڭ توراعاسى ەلباسىنا ۆەدومستۆونىڭ 2014 جىلعى جۇمىسىنىڭ نەگىزگى قورىتىندىلارى مەن الداعى كەزەڭگە ارنالعان مىندەتتەرى تۋرالى باياندادى.
كەزدەسۋ بارىسىندا قازاقستان پرەزيدەنتىنە رەسپۋبليكالىق بيۋدجەتتىڭ اتقارىلۋىنىڭ قورىتىندىلارى, قاراجاتتى جوسپارلاۋ جانە پايدالانۋ كەزىندە ۇنەمى انىقتالىپ جۇرگەن پروبلەمالار مەن كەمشىلىكتەر تۋرالى ايتىلدى.
ەسەپ كوميتەتى بىلتىر 298 نىساندا 3,1 تريلليون تەڭگە مولشەرىندەگى قاراجاتتى قامتيتىن 25 باقىلاۋ ءىس-شاراسىن جۇرگىزدى. انىقتالعان زاڭ بۇزۋشىلىقتىڭ جالپى كولەمى 716 ميلليارد تەڭگەنى قۇرادى, رەسپۋبليكالىق بيۋدجەتكە 75 ميلليارد تەڭگەدەن استام قاراجات قايتارىلدى.
تەكسەرۋلەر مەن باقىلاۋ-تالداۋ شارالارىنىڭ ناتيجەسى بويىنشا ۇكىمەتكە, مەملەكەتتىك ورگاندارعا جانە كۆازيمەملەكەتتىك سەكتور سۋبەكتىلەرىنە 312 ۇسىنىم مەن تاپسىرما جولداندى.
سونىمەن قاتار, ق.جاڭبىرشين وبلىستاردىڭ, استانا جانە الماتى قالالارى رەۆيزيالىق كوميسسيالارىنىڭ 2014 جىلعى جۇمىسىنىڭ نەگىزگى قورىتىندىلارى تۋرالى باياندادى.
مەملەكەت باسشىسى رەسپۋبليكالىق بيۋدجەت پەن ۇلتتىق قور قاراجاتىنىڭ ءتيىمدى ءارى وڭتايلى پايدالانىلۋىنا باقىلاۋدى كۇشەيتۋدىڭ, سونداي-اق, «نۇرلى جول» جاڭا ەكونوميكالىق ساياساتىن جۇزەگە اسىرۋ بارىسىنا قارجىلىق ءتارتىپتى نىعايتۋدىڭ ماڭىزدىلىعىن اتاپ ايتتى.
كەزدەسۋ قورىتىندىسى بويىنشا قازاقستان پرەزيدەنتى مەملەكەتتىك قارجىلىق باقىلاۋ ورگاندارى قىزمەتىن جەتىلدىرۋ جونىندە بىرقاتار ناقتى تاپسىرما بەردى.