پاۆلودار اۋدانىنىڭ قاداعالاۋ ورگانى تەكسەرۋ بارىسىندا ارەكەتكە قابىلەتتى تۇلعانىڭ پسيحونەۆرولوگيالىق ورتالىقتا بولۋ فاكتىسىن انىقتاعان, دەپ حابارلايدى Egemen.kz وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساپ.
پاۆلودار تۇرعىنى 16 جىلدان بەرى پسيحونەۆرولوگيالىق ورتالىقتا ەش سەبەپسىز جاتقان. ونىڭ مامانداندىرىلعان مەكەمەنىڭ قامقورلىعىنا 2008 جىلى سوت شەشىمىمەن ورنالاستىرىلعانى بەلگىلى بولدى.
«پروكۋراتۋرانىڭ ارالاسۋىنان كەيىن عانا تارتىلعان ماماندار دەنساۋلىق جاعدايىنىڭ وڭ ديناميكاسىن اتاپ ءوتتى, ال ورتالىق قىزمەتكەرلەرى ونى نازاردان تىس قالدىرعان», دەلىنگەن پروكۋراتۋرا حابارلاماسىندا.
وقيعا بايلانىستى سوت پاۆلودار اۋدانى پروكۋرورىنىڭ تالاپ ارىزى بويىنشا سوت-پسيحياتريالىق ساراپتاما جۇرگىزگەننەن كەيىن, جوعارىدا اتالعان ادامدى ارەكەتكە قابىلەتتى دەپ تانىعان. سونداي-اق پسيحونەۆرولوگيالىق ورتالىق قامقورلىعىنىڭ كۇشى جويىلىپ, كىنالى ادامدار تارتىپتىك جاۋاپكەرشىلىككە تارتىلعان.