بۇگىن ماجىلىستە وتكەن ۇكىمەت ساعاتىندا ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا كەي ازاماتتاردى اسكەردەن بوساتۋ بويىنشا ۇسىنىس ءبىلدىردى, دەپ جازادى Egemen.kz.
سۆەتلانا جاقىپوۆا كاسىبي-تەحنيكالىق ءبىلىم العان جاستاردى مىندەتتى اسكەري بورىشىن وتەۋدەن بوساتىپ, ماماندىعى بويىنشا داعدىلارىن جەتىلدىرۋدى ۇسىندى.
ءمينيستردىڭ ايتۋىنشا, بۇل سالا ماماندارىنا اسكەري كافەدرا اشۋ ءتيىمدى بولماق.
«جىگىتتەر 19 جاسقا تولعاندا بىردەن اسكەرگە شاقىرىلادى. ءبىز ول بالالاردى اسكەرگە الماي, جۇمىسقا تۇرعىزىپ, بىلىكتىلىگىن كوتەرۋ قاجەت دەپ ويلايمىز. ولارعا اسكەري كافەدرا اشىپ, اسكەردەن بوساتۋ كەرەك. كاسىبي-تەحنيكالىق ءبىلىم العان جاستار اسكەردەن بوساتىلۋ ءۇشىن شاقىرىلعان جەرگە بارىپ, جۇمىس ىستەۋى كەرەك. بىزدە وسىنداي ۇسىنىس بار», دەدى سۆەتلانا جاقىپوۆا.