تۇركىستان قالاسىندا «قاجىمۇقان» كوركەم ءفيلمىنىڭ كورسەتىلىمى ءوتتى.
«Turan mall» ساۋدا ورتالىعىنىڭ «Prime سinema» كينوتەاترىندا وتكەن كورسەتىلىم الدىندا ءفيلمنىڭ قويۋشى رەجيسسەرى قاناعات مۇستافين, قاجىمۇقان ءرولىن سومداعان ەربول تولەپبەرگەن, قاجىمۇقاننىڭ جارى رولىندەگى جازيرا ەركىن, ءفيلمنىڭ پروديۋسەرلەرى – باۋىرجان قۇلمىرزاەۆ, نۇرجان جۇمانوۆ كورەرمەندەرگە ءتۇسىرىلىم بارىسى تۋرالى بايانداپ بەردى. فيلم رەجيسسەرى قاناعات مۇستافين تاريحي فيلم ستسەناريىنە 2012 جىلى كىرىسىپ, تاقىرىپتى 10 جىلدان استام ۋاقىت زەرتتەگەن. كەيىپكەردىڭ جاس جانە قارت شاعىن, اعايىندى دياس پەن ەربول تولەپبەرگەن سومداعان. ال ءفيلمدى تۇسىرۋگە 80-نەن استام مامان مەن 40-قا جۋىق اكتەر قاتىسقان. جوبا قۇنى – 600 ملن تەڭگە. تاريحي تۋىندىنىڭ تانىستىرىلىمىنا قاتىسقان تۇركىستان وبلىسى اكىمىنىڭ ورىنباسارى ەرتاي التاەۆ شىعارماشىلىق توپتى قۇتتىقتاپ, قاجىمۇقاننىڭ جەتىستىكتەرىن ۇلىقتاي وتىرىپ, ۇلگى تۇتۋ قاجەتتىگىن ايتتى.
«قاجىمۇقان» تاريحي كوركەم ءفيلمى مادەنيەت جانە اقپارات مينيسترلىگىنىڭ جانە ۇلتتىق كينونى قولداۋ مەملەكەتتىك ورتالىعىنىڭ قولداۋىمەن قازاق حالقىنىڭ تاريحىنداعى تۇڭعىش كاسىپقوي بالۋان, فرانتسۋز كۇرەسىنەن الەم چەمپيونى اتانعان تۇڭعىش قازاق, الەمدىك, وڭىرلىك, رەسەيلىك, كەيىن بۇكىلوداقتىق چەمپيوناتتاردىڭ بىرنەشە دۇركىن جەڭىمپازى قاجىمۇقان مۇڭايتپاس ۇلى جايىندا تۇسىرىلگەن. سونىمەن بىرگە دالا باتىرىنىڭ حالقىنا دەگەن سۇيىسپەنشىلىگى, سول زامانداعى ساياسات, ەلدىڭ اۋىر جاعدايى دا سۋرەتتەلگەن.
تۇركىستان