اقتاۋ. 28 ءساۋىر. ماڭعىستاۋدا ارداگەرلەرگە بەرىلەتىن مەرەكەلىك ازىق-ت ۇلىك كارزەڭكەسىنە ۆيسكي مەن اققاينار دا قوسىلعان. بۇل تۋرالى lada.kz پورتالىنا سىلتەمە جاساپ, egemen.kz ءتىلشىسى حابارلادى.
اتالعان پورتالعا بۇل ماسەلەمەن جەرگىلىكتى كاسىپكەرلەردىڭ ءبىرى شاعىمدانعان. ماڭعىستاۋ وبلىسىنىڭ اكىمدىگى جەڭىستىڭ 70 جىلدىعى قارساڭىندا ۇلى وتان سوعىسى ارداگەرلەرىنە ارنالعان ازىق-ت ۇلىك كارزەڭكەسىن جاساقتاۋعا كاسىپكەرلەردىڭ كومەك كورسەتۋىن وتىنگەن. تىزىمدە – جەمىس-جيدەك, شاي, شىرىن, پەچەنە, شىعىس تاتتىلەرىمەن بىرگە اراق, شاراپ, سونداي-اق, Chivas ۆيسكيى مەن Asti Martini اققاينارى دا بار.
وسى ماسەلەگە وراي مەملەكەتتىڭ الەۋمەتتىك قولداۋى اياسىندا ارداگەرلەرگە جىل بويى بارلىق كومەك كورسەتىلىپ جاتقانىن ايتقان ماڭعىستاۋ وبلىسى ىشكى ساياسات باسقارماسى باسشىسىنىڭ ورىنباسارى ەرجان كۇمىسقاليەۆ: «جەڭىستىڭ 70 جىلدىعىنا ارداگەرلەرگە سىيلىق جاساعىمىز كەلدى. جەڭىس كۇنىندە ارداگەرلەردىڭ ۇيلەرىنە تانىستارى مەن تۋىستارى كەلەدى. فرونتتىق ءجۇز گراممعا ەشكىم تىيىم سالعان جوق. سوندىقتان ءبىز ارداگەرلەردە بۇل كۇنى ءبارى وتە جاقسى بولعانىن قالادىق», – دەپ تۇسىنىك بەرە وتىرىپ, ول ءتىزىمنىڭ ۇسىنىستىق سيپاتقا يە ەكەنىن اتاپ وتكەن.
گۇلايىم شىنتەمىرقىزى.
دەرەك: lada.kz.
سۋرەت: forum.gorod.dp.ua.