پاۆلودار. 28 ءساۋىر. وبلىس ورتالىعىنداعى استانا مۇز سارايىندا وتكەن جەڭىمپازدار فورۋمى كەزەكتەن تىس پرەزيدەنتتىك سايلاۋدا جەڭىسكە جەتكەن نۇرسۇلتان نازارباەۆقا ارنالدى. بۇل تۋرالى egemen.kz ءتىلشىسى حابارلادى.
ءزاۋلىم بيىك اسەم سارايعا پرەزيدەنت ءتىڭ سايلاۋداعى جەڭىسىنە اق نيەت اق كوڭىلدەن تىلەك ءبىلدىرۋشى مەتاللۋرگتەر, مۇنايشىلار, تەمىرجولشىلا, ءتۇرلى ەتنومادەني بىرلەستىك وكىلدەرى,ارداگەرلەر, كاسىپكەرلەر, ستۋدەنت جاستار, قالا جۇرتشىلىعى جينالدى. بۇكىل قازاقستاندىقتار سياقتى وبلىس حالقى ءوز تاڭداۋىن جاساپ, قازىرگى پرەزيدەنتپەن الداعى جاقسى ءومىردى, سەنىمدى بولاشاقتارىن بايلانىستىردى.
«سايلاۋ الەم تاڭعالعانداي كوتەرىڭكى كوڭىل كۇيدە, ۇلكەن ۇيىمشىلدىقپەن ءوتتى. پرەزيدەنت جەڭىسكە جەتتى. ال, وسى كەزەكتەن تىس سايلاۋ وتكىزۋ جونىندە ۇسىنىس بىلدىرگەن قازاقستان حالقى اسسامبلەياسى بارلىق قازاقستاندىقتاردىڭ قولداۋىنا سۇيەندى. قازاقستان حالقى وز پرەزيدەنتىن قولدادى. ءبىز بولاشاققا سەنىمدىمىز. سايلاۋداعى جەڭىستەن كەيىنگى وسىنداي كوڭىل كۇيدەن ايىرماسىن,- دەدى وبلىستىق سايلاۋالدى شتاب توراعاسى ۆيتالي سۆينتسيتسكي.
فورۋمدا جاس بولسا دا قۇرداستارىنىڭ اراسىندا بەلسەندىلىگىمەن كوزگە ءتۇسىپ جۇرگەن ستۋدەنت دارىن تاجىباەۆ تا ءوز ويىمەن ءبولىستى. «مەن پرەزيدەنت سايلاۋىنا تۇڭعىش رەت قاتىسىپ, ءوز داۋىسىمدى نۇرسۇلتان نازارباەۆقا بەردىم. بۇل مەنىڭ ومىرىمدە ۇمىتىلماستاي كۇن بولىپ ەسىمدە قالادى. ءبىز سايلاۋدىڭ, داۋىس بەرۋدىڭ قانداي بولاتىنىن ءوز كوزىمىزبەن كوردىك. ءبارى دە شىنايى, اشىق تۇردە ءوتتى, دەموكراتيا دەگەن ءسوزدىڭ اقيقاتى وسى ەكەن, - دەدى «سەرپىن-2050» باعدارلاماسى بويىنشا ءبىلىم الىپ جاتقان ستۋدەنت. تاعى ءبىر ستۋدەنت اقەركە يماشحان دا پرەزيدەنت سايلاۋىنا ءبىرىنشى رەت قاتىسقانىن, قوبالجىپ, تولقىعانىن ايتتى. «ەسەيگەنىڭىدى سەزىنەسىڭ. ەلىڭ ءۇشىن كەرەك ەكەنىڭدى تۇسىنەسىڭ. ءوز داۋىسىمدى نۇرسۇلتان نازارباەۆقا بەردىم. بارلىق قازاقستاندىقتار سياقتى مەن دە ەلباسى ساياساتىن قولدايمىن, الداعى جاقسى ءومىر , جاقسى كۇندەرگە سەنىمدىمىن, - دەدى ول.
جەڭىمپازدار فورۋمىنا جينالعان ۇلكەن توپ قاتىسۋشىلارى ەلىمىزدە تاتۋلىق پەن تىنىشتىق, بىرلىك ءۇشىن قىزمەت جاساپ كەلە جاتقان نۇرسۇلتان نازارباەۆتى ارقاشان قولدايتىندارىن, بارلىق حالىقتى بىرگە جۇمىلا ەڭبەك ەتۋگە, قازاقستاندىق ۇرپاقتار جالعاسىن وسىرۋگە, باي قۋاتتى مەملەكەت بولۋعا شاقىردى.
فاريدا بىقاي.
دەرەك: egemen.kz
سۋرەت: ۆالەري بۋگاەۆ.