قوستاناي. 28 ءساۋىر. قوستاناي وبلىسى قارابالىق اۋداندىق سوتى كاسىپكەردىڭ اۋدان اكىمىنىڭ ورىنباسارى الماس سۇلتانوۆتان مورالدىق زيانى ءۇشىن 1 تەڭگە وتەماقى ءوندىرۋ تالابىن قاناعاتتاندىردى. سوت شەشىمىنە شەنەۋنىك كەلىسپەيتىنىن ءبىلدىرىپ, ارىزداندى. بۇل تۋرالى alau.kz حابارلادى.
سۇلتانوۆ اۋداندىق بالالار كىتاپحاناسىنا جوندەۋ جۇمىستارىنىڭ جۇرگىزىلۋىنە جەتەكشىلىك ەتتى. ونىڭ ۇستىنەن سوتقا ارىزدانعان كاسىپكەر جوندەۋ جۇمىستارىن جۇرگىزەدى. وقيعا وتكەن جىلدىڭ 7 ماۋسىمىندا بولادى.
كۋراتور مەن مەردىگەر كىتاپحانا عيماراتىنىڭ الدىندا سويلەسىپ تۇرادى. ازاماتتىق سوتتىڭ ماتەريالدارىندا ايتىلعانداي, مەردىگەرمەن كەلىسپەي قالعان سۇلتانوۆ كوڭىل كۇي ەركىنە بەرىلىپ, كاسىپكەردى جاعاسىنان الادى دا, ونى بىلاپىتتاپ, عيماراتتىڭ الدىنا سۇيرەپ اكەلەدى. كاسىپكەردىڭ ارى مەن ۇجدانى اياققا تاپتالادى. سوتتا كاسىپكەر مۇنى كۋاگەرلەرمەن دالەلدەيدى.
اۋداندىق سوت الماس سۇلتانوۆتان جەكە كاسىپكەر حوگاەۆقا مورالدىق نۇقسان كەلتىرگەنى ءۇشىن 1 تەڭگە كولەمىندە وتەماقى بەرۋگە قاۋلى شىعارادى. سوت شەشىمى ءالى كۇشىنە ەنگەن جوق. قازىر سۇلتانوۆ سوت شەشىمىنە نارازىلىعىن ءبىلدىرىپ, اپەللياتسيالىق ارىز بەردى.
ءنازيرا جارىمبەتوۆا.
دەرەك, سۋرەت: alau.kz