گااگادان كەلگەن باسقارۋ ءجانە تەحنولوگيا سالاسى بويىنشا تاۋەلسىز كەڭەسشى دجەگجيت سينح ديللون مەن نيدەرلاندت Living Values Education قورىنىڭ پرەزيدەنتى مارگارەت ەليزابەت ۋرسۋلاين گەنريەت-ۆان لوون «قازاقستان» قوناق ءۇيىنىڭ ءباسپاسوز كلۋبىندا باق وكىلدەرىمەن كەزدەستى.
قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا تىكەلەي قاتىسقان حالىقارالىق بايقاۋشىلار وزدەرى باقىلاعان ايماق – الماتى قالاسى بويىنشا ەشبىر زاڭ بۇزۋشىلىقتار مەن تەرىس ارەكەتتەردىڭ بولماعانىن مالىمدەدى.
«الماتى قالاسى مەن وبلىسىندا داۋىس بەرۋشىلەر تۇسكە دەيىن جانە تۇستەن كەيىن دە سايلاۋعا زور بەلسەندىلىكپەن قاتىستى. ياعني, تۇسكى ۇزىلىستەن كەيىنگى ۋاقىتتا دا داۋىس بەرۋشىلەر وزدەرىنىڭ ازاماتتىق مىندەتىنە ادالدىق تانىتتى», – دەدى نيدەرلاندتىق بايقاۋشىلار.
بايقاۋشىلار ەلدەگى سايلاۋشىلاردىڭ جاس مولشەرىنە دە ەرەكشە كوڭىل اۋدارعان. «حالىقتىڭ بارلىق وكىلدەرى جاس مولشەرلەرىنە قاراماستان بۇل سايلاۋعا ءبىر كىسىدەي قاتىستى», – دەدى شەتەلدىك بايقاۋشىلار. ياعني, ولاردىڭ سوزدەرىنە قاراعاندا, بۇل سايلاۋعا حالىقتىڭ باسىم كوپشىلىگى قىزىعۋشىلىق تانىتىپ قانا قويماي, ءوز مىندەتىنە ادالدىق كورسەتە بىلگەن.
قانات ەسكەندىر,
«ەگەمەن قازاقستان».
الماتى.