سەناتور سەرگەي كارپليۋك قوستاناي وبلىسىنداعى قارابالىق اۋىلىنا بارىپ, اۋداندىق اۋرۋحانا ۇجىمىمەن كەزدەستى, دەپ حابارلايدى Egemen.kz.
سەناتتىڭ ءباسپاسوز قىزمەتىنىڭ ءمالىم ەتۋىنشە اەس سالۋ – اتالعان جۇزدەسۋدىڭ باستى تاقىرىبى بولدى. سەرگەي كارپليۋك اتوم ەلەكتر ستانساسىن سالۋ قازاقستاننىڭ ەنەرگەتيكالىق سەكتورىنىڭ بولاشاعى ءۇشىن سەرپىندى قادام ەكەنىن اتاپ ءوتتى.
«قازاقستان ءوزىن قاۋىپسىز, ەكولوگيالىق تازا جانە ورنىقتى ەنەرگيا كوزىمەن قامتاماسىز ەتۋىنە مۇمكىندىك بەرەدى. اتوم ەلەكتر ستانساسى بۇدان بىلايعى دامۋ ءۇشىن اسا ماڭىزدى. رەفەرەندۋم - ءوز كەزەگىندە قازاقستاننىڭ ءاربىر تۇرعىنىنا وسىناۋ ستراتەگيالىق ماڭىزدى ماسەلە بويىنشا ءوز ۇستانىمىن ءبىلدىرۋ مۇمكىندىگى», دەپ اتاپ ءوتتى سەنات دەپۋتاتى.
سەناتور سونىمەن قاتار كەزدەسۋگە قاتىسۋشىلاردىڭ سۇراقتارىنا جاۋاپ بەردى. ونىڭ ايتۋىنشا, جوبانى ىسكە اسىرۋ بارىسىندا ەكولوگيانى قورعاۋعا باسىمدىق بەرىلەدى.