وبلىستا 246 وتان سوعىسىنا قاتىسۋشى ارداگەرلەر بار. وبلىس ورتالىعىندا تۇراتىن ميحايل سمولەنكوۆ ءماسكەۋ قالاسىندا 9 مامىردا وتەتىن اسكەري شەرۋگە بارادى. 92 جاستاعى م.سمولەنكوۆ 18 جاسىندا مايدانعا اتتانىپ, پولشا, قيىر شىعىستاعى شايقاستارعا قاتىسقان. مايدانگەر بۇگىنگى بەيبىت زاماننىڭ قانداي ەرلىكپەن كەلگەنىن بىلەدى. مايدانگەر قالاداعى 27-ءشى سايلاۋ ۋچاسكەسىنە كەلىپ تاڭەرتەڭ العاشقىلاردىڭ ءبىرى بولىپ داۋىسىن بەردى. سايلاۋ ۋچاسكەسىنىڭ توراعاسى بەرىك ماتاەۆ سمولەنكوۆ 92 جاسىندا سايلاۋعا داۋىس بەرۋگە كەلىپ, تاعى دا ەرلىك جاسادى دەيدى.
بۇل ۋچاسكەدە ساعات 9.00-دا 400-دەن استام ادام داۋىس بەرىپ ۇلگەرىپتى. داۋىس بەرۋشىلەردىڭ بەلسەندىلىگى جوعارى, كوڭىل كۇيلەرى دە جاقسى. ميحايل سمولەنكوۆ ازاماتتىق پارىزىمدى اتقاردىم دەيدى.
فاريدا بىقاي,
«ەگەمەن قازاقستان».
پاۆلودار.