قۇرمەتتى نۇرسۇلتان ءابىش ۇلى!
عىلىمي قاۋىمداستىق ءسىزدى قازاقستان رەسپۋبليكاسىنىڭ پرەزيدەنتى سايلاۋىنداعى سەنىمدى جەڭىسىڭىزبەن قۇتتىقتايدى.
تاۋەلسىزدىك جىلدارىندا ءسىزدىڭ كەمەڭگەر, ءتيىمدى جانە كورەگەن ساياساتىڭىزدىڭ ارقاسىندا قازاقستاندا شىن مانىندە وراسان زور وزگەرىستەر ورىن الدى.
ەلدىڭ ەكونوميكاسى ايتارلىقتاي ءوستى, حالىق تۇرمىسىنىڭ دەڭگەيى بىرنەشە ەسە ارتتى. ءسىزدىڭ باستامالارىڭىزدى جۇزەگە اسىرۋدىڭ ناتيجەسىندە قازاقستان عىلىمى دامۋعا جاڭا سەرپىن الدى.
سوڭعى جىلدارى اكادەميالىق عىلىم مەن عىلىمي تالدامالاردى قارجىلاندىرۋ بىرنەشە ەسە ارتتى, عىلىمنىڭ وندىرىسپەن بايلانىسى نىعايۋدا. قابىلدانعان شارالاردىڭ ارقاسىندا وتاندىق عىلىمنىڭ يننوۆاتسيالىق سالاعا ۇلەسى ءوسىپ كەلەدى.
ەلدىڭ عىلىمي توپتارى ءسىزدىڭ سايلاۋداعى جەڭىسىڭىزدى كوتەرىڭكى كوڭىل-كۇيمەن قابىلدادى جانە وتانىمىزدىڭ يگىلىگى ءۇشىن ەكى ەسەلەنگەن قۋاتپەن ەڭبەك ەتۋگە دايىن.
ءبىز ءسىزدىڭ سەنىمدى كوشباسشىلىعىڭىزبەن ءبىلىم بەرۋ مەن عىلىمنىڭ بۋىرقانا دامۋىنىڭ جالعاساتىنىنا, ازاماتتاردىڭ ءومىر دەڭگەيىن ارتتىرۋ جانە قازاقستاننىڭ دامىعان 30 مەملەكەتتىڭ قاتارىنا قوسىلۋ جونىندە العا قويىلعان بارلىق ستراتەگيالىق ماقساتتارعا قول جەتكىزىلەتىنىنە سەنىمدىمىز.
قازاقستاننىڭ ۇلتتىق عىلىم اكادەمياسى.
قۇرمەتتى نۇرسۇلتان ءابىش ۇلى!
ءسىزدى ەلىمىزدىڭ بارشا شىعارماشىلىق زيالى قاۋىم وكىلدەرى اتىنان كەزەكتەن تىس پرەزيدەنت سايلاۋىندا قول جەتكىزگەن ايقىن جەڭىسىڭىزبەن قۇتتىقتايمىز.
بۇل جەڭىسىڭىز – سىندارلى ساتتە ءسىزدىڭ سارابدال ساياساتىڭىزدىڭ ارقاسىندا تاتۋلىعى مەن تۇراقتىلىعىن ساقتاپ, ىرىسىن ەسەلەي تۇسكەن ءبىرتۇتاس قازاقستاننىڭ جەڭىسى.
سىزگە داۋىس بەرە وتىرىپ, ەگەمەن ەلدىڭ ەڭسەلى جۇرتى ءار كۇنى ايعا, ءار اپتاسى جىلعا تاتيتىن جەتىستىكتەرگە قول جەتكىزدى. بەيبىتشىلىك پەن كەلىسىمگە نەگىزدەلگەن مەملەكەتتىگىمىزدىڭ بەرىك ىرگەتاسى قالاندى.
قارقىندى وسكەن ەكونوميكامىزبەن الەمنىڭ ەڭ دامىعان 50 ەلىنىڭ كوشىنە قوسىلىپ, وزىق وتىزدىققا ەنۋدى ماقساتقا الدىق. حالقىمىزدىڭ تۇرمىسى جاقسارىپ, ءال-اۋقاتى ارتتى.
وسىنىڭ ءبارى تىكەلەي ءسىزدىڭ ارقاڭىز.
ەندىگى كەزەكتە الەمدى جايلاعان كۇردەلى جاعدايدا مەملەكەتىمىزدى بۇدان بيىك بەلەستەرگە باستاپ, ماڭگىلىك ەلگە اينالدىرۋ – تەك كەمەڭگەر باسشىنىڭ قولىنان كەلەتىن ءىس. وسىناۋ ۇلى مۇراتقا جەتۋدە حالقىمىز تەك وزىڭىزگە عانا سەنىم ارتىپ وتىر. قازاقستاندىقتاردىڭ كەشەگى سايلاۋدا جاساعان تاڭداۋى – سونىڭ ايقىن دالەلى.
تاۋەلسىزدىكتىڭ العاشقى كۇندەرىنەن-اق شىعارماشىلىق ورتا مەن جاسامپازدىق رۋحتى قالىپتاستىرۋعا ۇدايى قامقورلىق تانىتىپ كەلەسىز. جازۋشىلار قاۋىمى دا جارقىن بولاشاققا باستار جولدا ءاردايىم وزىڭىزبەن بىرگە!
قازاقستان جازۋشىلار وداعىنىڭ باسقارماسى.
قۇرمەتتى نۇرسۇلتان ءابىش ۇلى!
«KAZENERGY» مۇناي-گاز جانە ەنەرگەتيكالىق كەشەن ۇيىمدارى اسسوتسياتسياسىنىڭ كەزەكتەن تىس قازاقستان رەسپۋبليكاسىنىڭ پرەزيدەنتى سايلاۋىنداعى جەڭىسىڭىزبەن شىن جۇرەكتەن قۇتتىقتاۋىن قابىل الىڭىز.
ءسىزدىڭ سەنىمدى جەڭىسىڭىز بۇكىلحالىقتىق قولداۋدىڭ جانە قازاقستاندىقتاردىڭ سىزبەن بىرگە قازاقستاننىڭ الەمنىڭ نەعۇرلىم دامىعان 30 ەلىنىڭ قاتارىنا قوسىلۋ جونىندەگى بارلىق ماقساتتار مەن مىندەتتەردى جۇزەگە اسىرۋعا دەگەن دايىندىعىنىڭ ايقىن دالەلى بولىپ تابىلادى.
ءسىزدىڭ ءبىرىزدى جانە ساليقالى ساياساتىڭىزدىڭ ارقاسىندا قازاقستان ەكونوميكانىڭ دامۋىنداعى بارلىق شەشۋشى باعىتتار بويىنشا ايتارلىقتاي تابىستارعا قول جەتكىزدى.
ءسىزدىڭ باسشىلىعىڭىزبەن ءبىزدىڭ قوعامىمىز ءوزىنىڭ ەكونوميكالىق الەۋەتىن نىعايتۋ بويىنشا باتىل جوسپارلاردى ومىرگە تابىستى ەنگىزۋدە.
قازاقستاننىڭ بارلىق تابىستارى مەن جەتىستىكتەرىن, قوعامداعى تاتۋلىق پەن باقۋاتتىلىقتى, الەمگە تانىمالدىلىقتى – وسىنىڭ بارلىعىن قازاقستاندىقتار تەك سىزبەن بايلانىستىرادى.
26 ساۋىردە قازاقستاننىڭ ميلليونداعان ازاماتتارى بۇكىلحالىقتىق تۇرعىدا قوعامدىق كەلىسىمدى, بولاشاققا دەگەن سەنىم مەن بۇكىل ۇرپاقتاردىڭ يگىلىگى ءۇشىن تابىستى دامۋدى تاڭدادى.
«KAZENERGY» مۇناي-گاز جانە ەنەرگەتيكالىق
كەشەن ۇيىمدارى اسسوتسياتسياسى.
اسا قادىرلى ەلباسى!
ءسىزدىڭ باستاۋىڭىزبەن قازاقستاندىقتار جاڭا ءبىر بەلەستى ەڭسەرىپ, «ماڭگىلىك ەل» بولۋ جولىندا سىزبەن بىرگە نىق قادام جاسادى.
سايلاۋدا قازاقستاندىقتار سىزگە ءوز داۋىستارىن بەرە وتىرىپ, تۇراقتىلىقتى, بىرلىكتى جانە جاسامپازدىقتى قالايتىندىقتارىن تاعى ءبىر مارتە دالەلدەدى.
نۇرسۇلتان ءابىش ۇلى, ءسىز شەتتەگى قانداستارىمىزدى ءاردايىم ءجىتى نازارىڭىزدا ۇستاپ, ولارعا مەيىرىممەن كوڭىل ءبولىپ كەلەسىز.
كەشەلى بەرى بىزگە مىڭداعان قانداستارىمىز حابارلاسىپ, وزدەرىنىڭ قۋانىشتارىن ءبىلدىرىپ, قۇتتىقتاۋلارىن جەتكىزۋدە.
دۇنيەجۇزى قازاقتارى قاۋىمداستىعىنىڭ اتىنان قۇتتىقتاۋىمىزدى قابىل الىڭىز.
الەمدەگى بارلىق بەس ميلليوننان استام قازاق ءۇشىن ماڭىزى بار بۇل ۇيىم ءسىزدىڭ باستاماڭىزبەن قۇرىلعان بولاتىن.
بۇگىندە ول تاعدىردىڭ تالكەگىمەن تاريحي وتانىنان تىسقارى ءومىر ءسۇرىپ جاتقان قانداستارىمىزدىڭ ۇيىتقىسىنا اينالدى.
ەلىمىز تاۋەلسىزدىك العالى بەرى مىڭداعان قازاق ءوزىنىڭ تاريحي وتانىنا ورالىپ, ءوز ەلى ءۇشىن ايانباي ەڭبەك ەتۋدە.
ءسىزدىڭ ەلىڭىزگە سىڭىرگەن ەڭبەگىڭىزدى حالقىڭىز ايرىقشا باعالايدى. مۇنىڭ دالەلى – ءسىزدىڭ سايلاۋداعى سەنىمدى جەڭىسىڭىز!
قۇرمەتتى نۇرسۇلتان ءابىش ۇلى, ءسىزدىڭ بارلىق باستامالارىڭىزدى قازاقستاندىقتار مەن شەتتەگى قانداستارىڭىز ءبىر كىسىدەي قولدايدى.
ءبىز بىرگەمىز – بەرىك ىرگەمىز!
دۇنيەجۇزى قازاقتارىنىڭ قاۋىمداستىعى.
قۇرمەتتى نۇرسۇلتان ءابىش ۇلى!
قازاقستان رەسپۋبليكاسىنىڭ پرەزيدەنتى سايلاۋىنداعى سەنىمدى جەڭىسىڭىزبەن شىن جۇرەكتەن شىنايى قۇتتىقتاۋىمىزدى بىلدىرەمىز.
وتكەن سايلاۋدىڭ ناتيجەلەرى حالىقتىڭ جوعارى سەنىمىنىڭ جانە ءسىزدىڭ باسشىلىعىڭىزبەن ەكونوميكانى جاڭعىرتۋ جانە الەۋمەتتىك جاڭعىرۋلار باعىتىن جالعاۋعا دەگەن ۇمتىلىسىنىڭ ايعاعى بولىپ تابىلادى.
جاھاندىق ەكونوميكالىق داعدارىس جاعدايىندا قازاقستاندا جاڭا يندۋستريالىق نىساندار سالىنىپ, قوسىمشا جۇمىس ورىندارى اشىلۋدا.
كاسىپورىندار ۇجىمدارى وندىرىستىك ۇدەرىستەردى تۇراقتاندىرۋ بويىنشا بەكىتىلگەن مەموراندۋمدار شەڭبەرىندە وزدەرىنىڭ قورعالعاندىعىن سەزىنۋ ۇستىندە.
بيىل ءسىز العا قويعان «نۇرلى جول» باعدارلاماسىن جۇزەگە اسىرۋ باستالدى, ونىڭ شەڭبەرىندە كەڭ اۋقىمدى ينفراقۇرىلىمدىق نىساندار قۇرىلىسى بەلگىلەنگەن.
ءسىزدىڭ قامقورلىعىڭىز بەن نازارىڭىزدىڭ ارقاسىندا حالىقتىڭ الەۋمەتتىك ءالسىز توپتارى وزدەرىنىڭ قورعالعاندىعىن سەزىنۋدە. ءسىزدىڭ باستامالارىڭىزدىڭ شەڭبەرىندە جۇمىس بەرۋشىلەر الەۋمەتتىك جاۋاپكەرشىلىكتى مەملەكەتپەن بولىسۋگە دايىن.
ءبىز ءسىزدىڭ سەنىمدى باسشىلىعىڭىزبەن ەل دامۋىنىڭ جاڭا كەزەڭىندە الەۋمەتتىك-ەكونوميكالىق سالاداعى بۇدان دا زور جەتىستىكتەرگە جەتە بەرەتىنىنە سەنىمدىمىز.
قازاقستان كاسىپوداقتارى فەدەراتسياسى.
قۇرمەتتى نۇرسۇلتان ءابىش ۇلى!
بىزدەر, 8 مىڭنان استام جاس قازاقستاندىقتاردى بىرىكتىرەتىن «قازاقستان-2050» جالپىۇلتتىق قوزعالىسى ءسىزدى قازاقستان پرەزيدەنتى سايلاۋىنداعى سەنىمدى جەڭىسىڭىزبەن قۇتتىقتايمىز.
سايلاۋ ناتيجەلەرى – قازاقستاندىقتاردىڭ ءوز بولاشاعىن, ءوز بالالارىنىڭ بولاشاعىن سىزبەن – ەلباسىمەن بايلانىستىراتىندىعىنىڭ ايقىن دالەلى.
بۇگىندە ەلدىڭ ميلليونداعان ازاماتتارى ءسىز «قازاقستان-2050» ستراتەگياسىندا العا قويعان مەملەكەتتى دامىتۋدىڭ كەڭ اۋقىمدى ماقساتتارىنا بىرىكتى.
وسىناۋ شىنىمەن دە تاريحي قۇجاتتىڭ ءاربىر پۋنكتى ءبىزدىڭ ارقايسىمىز ءۇشىن ۇلكەن مۇمكىندىكتەر اشادى.
قۇرمەتتى نۇرسۇلتان ءابىش ۇلى, ءسىزدىڭ ارقاڭىزدا بۇگىندە ءبىز يە بولىپ وتىرعان ناتيجەلەردى بۇكىلالەمدىك قوعامداستىق مويىندايدى.
تاۋەلسىزدىك جىلدارى ىشىندە قازاقستان قۋاتتى جانە تابىستى مەملەكەتكە اينالدى. ءبىز الەمنىڭ ەڭ ءبىر ىرعاقتى دامۋشى مەملەكەتتەرىنىڭ قاتارىنا ەنۋدەمىز.
بىزدە بىرلىكتىڭ, تولەرانتتىلىقتىڭ, ەتنوسارالىق جانە كونفەسسياارالىق كەلىسىمنىڭ تۇراقتى مودەلى قالىپتاستى. قازاقستان – حالىقارالىق بەدەلگە يە جاۋاپتى دا سەنىمدى ارىپتەس.
سوندىقتان دا ءبىزدىڭ ەلىمىزدىڭ باسىندا, قۇرمەتتى نۇرسۇلتان ءابىش ۇلى, تەك ءسىز عانا تۇرا الاسىز.
«قازاقستان-2050» جالپىۇلتتىق قوزعالىسى.
قۇرمەتتى نۇرسۇلتان ءابىش ۇلى!
قازاقستاننىڭ ارداگەرلەر ۇيىمى ءسىزدى قازاقستان پرەزيدەنتى سايلاۋىنداعى تاماشا جەڭىسىڭىزبەن قۇتتىقتايدى.
ءبىز ءسىزدىڭ ۇلى وتان سوعىسى ارداگەرلەرىنە تۇراقتى نازار اۋدارىپ, كومەك كورسەتەتىنىڭىزدى ۇلكەن ريزاشىلىقپەن اتاپ كورسەتەمىز.
ءبىز بەيبىتشىلىك پەن تىنىشتىقتىڭ, قوعامدىق تۇراقتىلىق پەن كەلىسىمنىڭ باعاسىن بىلەمىز.
ءسىزدىڭ ارقاڭىزدا ءبىزدىڭ بالالارىمىز بەن نەمەرەلەرىمىز قۋاتتى, وركەندەۋشى مەملەكەتتە ءومىر سۇرۋدە.
بۇگىندە قازاقستان – جاھاندىق ۇنقاتىسۋ ورتالىعى. ءسىزدىڭ بەيبىتشىلىكسۇيگىش باستامالارىڭىزدى بۇكىل الەمدىك قوعامداستىق مويىندادى.
ءسىز ءۇشىن مىزعىماس بولىپ تابىلاتىن باستى قۇندىلىقتار – ىشكى ساياسي تۇراقتىلىق جانە ۇلتتىق بىرلىك – ولار ءبىزدىڭ قازىرگى جانە بولاشاق تابىستارىمىزدىڭ نەگىزى.
ءبىز ءسىزدىڭ باسشىلىعىڭىزبەن ءبىزدىڭ ەلىمىزدىڭ بۇدان ءارى دە شاپشاڭ دامي بەرەتىنىنە جانە قويىلعان بارلىق ماقساتتارعا قول جەتكىزەتىنىنە سەنىمدىمىز.
ءسىزدىڭ جەڭىسىڭىز – ءبىزدىڭ ءبارىمىز ءۇشىن مەرەكە, جاڭا ۇمتىلىستارعا قاناتتاندىراتىن جانە باقۋاتتى بولاشاققا دەگەن ۇلكەن ءۇمىت ۇيالاتاتىن مەرەكە.
قازاقستاننىڭ ارداگەرلەر ۇيىمى.
قۇرمەتتى نۇرسۇلتان ءابىش ۇلى!
ءبىزدىڭ قازاقستان رەسپۋبليكاسىنىڭ پرەزيدەنتى سايلاۋىنداعى جارقىن جەڭىسىڭىزبەن شىن جۇرەكتەن قۇتتىقتاۋىمىزدى قابىل الىڭىز.
تاۋەلسىزدىك جىلدارى ىشىندە ءسىزدىڭ قامقورلىعىڭىز بەن نازارىڭىزدىڭ ارقاسىندا مەدياسالا سەرپىندى دامۋعا يە بولدى جانە جوعارى كاسىبي ءارى تەحنولوگيالىق دەڭگەيگە جەتتى.
قازاقستاندا باق-تىڭ بارلىق تۇرلەرى تابىستى دامۋدا, ولار بىزدە 2,2 مىڭنان اسادى. بۇگىندە تسيفرلى تەلەديدار ءار ۇيدە بار.
«بولاشاق» پرەزيدەنتتىك ستيپەندياسى شەڭبەرىندە باق-تىڭ جاس كادرلارى الەمدىك مەدياكورپوراتسيالار بازالارىندا بىلىكتىلىگىن ارتتىرۋ مۇمكىندىگىنە يە.
ءسىزدىڭ باستاماڭىزبەن استانادا ەلىمىزدىڭ باستى مەديا الاڭى – «قازمەدياورتالىعى» تۇرعىزىلدى. بۇل ەڭ زاماناۋي جابدىقپەن جاراقتاندىرىلعان مەديا ونىمدەر ءوندىرۋ ءۇشىن وراسان زور ايرىقشا كەشەن.
ءسىزدىڭ سەنىمدى جەڭىسىڭىز قازاقستاندىقتاردىڭ ءوزىمىزدىڭ تەك سىزبەن بىرگە عانا ەكونوميكانىڭ بارلىق سالالارىندا جانە الەۋمەتتىك دامۋدا تاماشا جەتىستىكتەرگە جەتەتىندىگىمىزگە, نەعۇرلىم دامىعان مەملەكەتتەر قاتارىنا قوسىلاتىنىمىزعا دەگەن سەنىمنىڭ ايعاعى بولىپ تابىلادى.
قازاقستان جۋرناليستەر وداعى.
اسا قۇرمەتتى نۇرسۇلتان ءابىش ۇلى!
قازاقستاننىڭ كومپوزيتورلار وداعى ءسىزدى كەزەكتەن تىس قازاقستان رەسپۋبليكاسىنىڭ پرەزيدەنتى سايلاۋىنداعى تاماشا جەڭىسىڭىزبەن قۇتتىقتايدى.
سايلاۋ كۇنى ءبىزدىڭ ميلليونداعان حالقىمىز اسقاق كوڭىل-كۇيمەن ءسىز ءۇشىن ءوز داۋىستارىن بەردى, ويتكەنى تەك ءسىز عانا ءبىز ءۇشىن تابىس پەن پروگرەسسشىل دامۋدىڭ كەپىلى بولىپ تابىلاسىز.
ءسىزدىڭ تۇراقتى قامقورلىعىڭىزدىڭ ارقاسىندا ءبىزدىڭ مۋلتيمادەني قوعام تابىستى دامۋدا. ءبىزدىڭ شىعارماشىلىق قازاقستاننىڭ بارلىق سالالارداعى كوپتەگەن تابىستارىنان وزىنە شابىت الۋدا.
ءسىز ءبىزدىڭ ەلىمىزدىڭ بارلىق تابىسىنىڭ قازاقستاندىق قوعامداعى بىرلىكتىڭ, تاتۋلىق پەن كەلىسىمنىڭ ارقاسىندا عانا مۇمكىن ەكەنىن اركەزدە دە اتاپ كورسەتەسىز.
ءسىزدىڭ بەيبىتشىلىكسۇيگىش سىرتقى ساياساتىڭىز قازاقستان مەن وزگە مەملەكەتتەر اراسىندا سەنىمدى مادەنيەتارالىق بايلانىستار ورناتتى.
ءسىزدىڭ باستاماڭىز بويىنشا ورتالىق ازيانىڭ ءدال جۇرەگىندە ونەر حرامى, استانانىڭ ءىنجۋ-مارجانى – «استانا وپەرا» وپەرا جانە بالەت تەاترى ءوز ەسىگىن ايقارا اشتى.
كومپوزيتورلاردىڭ تاڭداۋى مەن ولاردىڭ ءسىز ءۇشىن بەرگەن داۋىستارى – بەيبىتشىلىك پەن ءبىزدىڭ وتانىمىزدىڭ ودان ءارى وركەندەۋىن تاڭداعان ميلليونداعان قازاقستاندىقتار داۋىسىنىڭ ءبىر بولىگى.
قازاقستان كومپوزيتورلار وداعى.
قۇرمەتتى نۇرسۇلتان ءابىش ۇلى!
سۋرەتشىلەر وداعى ءسىزدى قازاقستان رەسپۋبليكاسىنىڭ پرەزيدەنتى سايلاۋىنداعى تاماشا دا سەنىمدى جەڭىسىڭىزبەن قۇتتىقتايدى.
ءسىزدىڭ كەمەڭگەرلىگىڭىزدىڭ جانە جالپىادامزاتتىق يدەالدارعا ادالدىعىڭىزدىڭ ارقاسىندا قازاقستان شيرەك عاسىرعا جۋىق ۋاقىتتان بەرى پروگرەسس پەن تابىستى جاڭعىرتۋلار جولىمەن سەنىمدى قادام باسىپ كەلەدى.
سايلاۋداعى ءسىزدىڭ جەڭىسىڭىز – ءوزىنىڭ لايىقتى بولاشاعىنىڭ پايداسىنا تاڭداۋ جاساعان قازاقستان حالقى سەنىمىنىڭ ايعاعى.
بىزدەر, شىعارماشىلىق ادامدارى رەتىندە, ءسىزدىڭ قازاقستاندىق مادەنيەتتى دامىتۋ ماسەلەلەرىنە تۇراقتى نازار اۋداراتىنىڭىزدى جوعارى باعالايمىز. اتالعان سالانى مەملەكەتتىك قارجىلاندىرۋ ايتارلىقتاي ۇلعايدى, ونەر سالاسىنداعى مامانداردى دايارلاۋ ءۇشىن وقۋ ورىندارى اشىلۋدا.
بۇگىندە ەلدىڭ ونەر قايراتكەرلەرى الدىنا ءسىز وسكەلەڭ ۇرپاقتىڭ بويىندا پاتريوتتىق رۋح ءتاربيەلەۋگە ۇلەس قوسۋ جونىندە ۇلكەن دە جاۋاپتى مىندەت قويدىڭىز.
ءبىز ءسىزدىڭ باسشىلىعىڭىزبەن وسىناۋ جوعارى ماقساتتارعا قول جەتكىزىلەتىنىنە, ال قازاقستاننىڭ ىرعاقتى دامۋ جولىن جالعاستىراتىنىنا سەنىمدىمىز.
قازاقستان سۋرەتشىلەر وداعى.
قۇرمەتتى نۇرسۇلتان ءابىش ۇلى!
قازاقستاننىڭ ازاماتتىق اليانسى قازاقستان پرەزيدەنتى سايلاۋىنىڭ ناتيجەلەرىن ۇلكەن كوتەرىڭكى كوڭىل-كۇيمەن قابىلدادى.
بىزدەر, قازاقستاننىڭ سان ميلليونداعان ازاماتتىق قوعامىنىڭ وكىلدەرى رەتىندە ءسىزدىڭ عالامات جەڭىسىڭىز – ول قازاقستاندىقتاردىڭ ءسىز جۇرگىزىپ وتىرعان كورەگەن ساياساتىڭىزدى جاپپاي قولداۋدىڭ ايعاعى ەكەنىن اتاپ كورسەتەمىز.
بۇكىل تاۋەلسىزدىك جىلدارى ىشىندە ءسىزدىڭ باسشىلىعىڭىزبەن قازاقستاننىڭ ءجۇرىپ كەلە جاتقان جولى – ول قۋاتتى وركەندەگەن مەملەكەت قۇرۋ جولى.
بۇگىندە ءبىزدىڭ ەلىمىز الەمنىڭ باسەكەگە قابىلەتتى 50 ەلىنىڭ قاتارىنا كىرەدى.
شيرەك عاسىردا قازاقستان ەكونوميكاسى – 16 ەسە, حالىقتىڭ تابىسى 6 ەسە ءوستى. ءسىزدىڭ ارقاڭىزدا جاڭعىرتۋ مىندەتتەرى بىرىزدىلىكپەن جانە ايقىن جۇزەگە اسىرىلۋدا.
بۇگىندە ءبىزدىڭ ەلىمىزدىڭ الدىندا اسقاق مىندەتتەر – الەمنىڭ دامىعان 30 مەملەكەتىنىڭ قاتارىنا ەنۋ مىندەتى تۇر.
وعان قۇرمەتتى نۇرسۇلتان ءابىش ۇلى, ءسىزدىڭ باسشىلىعىڭىزبەن عانا قول جەتكىزۋگە بولادى.
قازاقستاننىڭ ازاماتتىق اليانسى.
قۇرمەتتى نۇرسۇلتان ءابىش ۇلى!
قازاقستاننىڭ بۇكىل ايەلدەر ۇيىمدارى اتىنان ءسىزدى كەزەكتەن تىس قازاقستان رەسپۋبليكاسىنىڭ پرەزيدەنتى سايلاۋىنداعى جارقىن جەڭىسىڭىزبەن قۇتتىقتايمىز.
بۇكىل قازاقستان ءوزىنىڭ ەڭبەگىمەن جانە قاتىسۋىمەن سىزبەن بىرگە وتانىمىزدىڭ تابىستى جولىن جالعاستىرۋعا دايىن ەكەنىن ءبىلدىردى.
قازاقستاندىقتار كوتەرىڭكى كوڭىل-كۇيمەن ءسىز بىزدەر ءۇشىن قامتاماسىز ەتكەن اشىق اسپاندى, ۇيدەگى مولشىلىق پەن ءوز بالالارىنىڭ بولاشاعىنا دەگەن سەنىمدىلىكتى تاڭدادى.
ازاماتتىق باستامالار مەن ۇكىمەتتىك ەمەس سەكتورعا ءسىز ءبولىپ وتىرعان وراسان زور نازار ءبىزدىڭ قازاقستاننىڭ دامۋىنىڭ ورتاق ىسىنە ءوز ۇلەسىمىزدى قوسۋىمىزعا مۇمكىندىك تۋعىزدى.
ءسىزدىڭ گەندەرلىك ماسەلەلەردى شەشۋدەگى كەمەڭگەر ساياساتىڭىز نازىك جاندىلار وكىلدەرىن مەملەكەتتىك باسقارۋ ورگاندارىنداعى وزىق پوزيتسيالارعا شىعاردى.
بۇگىندە قازاقستاننىڭ ايەلدەرى ەكونوميكانىڭ, عىلىمنىڭ, ءبىلىم بەرۋ مەن مادەنيەتتىڭ بارلىق سالالارىندا ءسىزدىڭ ساياسي باعىتىڭىزدى جۇزەگە اسىرۋعا اتسالىسۋدا.
سىزبەن بىرگە, ءسىزدىڭ باسشىلىعىڭىزبەن ءبىز جاڭا جالپىمەملەكەتتىك الەۋمەتتىك جانە ەكونوميكالىق مىندەتتەردى شەشۋگە ءوزىمىزدىڭ قولدان كەلگەن ۇلەسىمىزدى قوسۋعا دايىنبىز.
رەسپۋبليكالىق ايەلدەر كەڭەسى.
اسا قۇرمەتتى نۇرسۇلتان ءابىش ۇلى!
ءسىزدى قازاقستان رەسپۋبليكاسىنىڭ پرەزيدەنتى سايلاۋىنداعى سەنىمدى جەڭىسىڭىزبەن قۇتتىقتاۋعا رۇقسات ەتىڭىز.
قازاقستان حالقى سىزگە ءوز داۋىستارىن بەرە وتىرىپ, ەلدە جۇرگىزىلىپ جاتقان باعىتقا تىكەلەي قولداۋىن ءبىلدىردى.
ءسىزدىڭ ساياساتىڭىزدىڭ ارقاسىندا ەلىمىز جاسامپاز جولمەن العا باسۋدا. قازاقستاندىق قوعامدا ءار ازامات ءۇشىن ۇلكەن جانە بىردەي مۇمكىندىكتەر جۇيەسى قالىپتاستىرىلعان.
قازاقستاندىق بيزنەس ءسىزدىڭ قۋاتتى قولداۋىڭىزدى سەزىنەدى. ءسىز اركەزدە دە وتاندىق كاسىپكەرلەرگە قولداۋ جاسايسىز.
شاعىن جانە ورتا بيزنەستى دامىتۋ ماسەلەلەرىنە تۇراقتى مەملەكەتتىك كوڭىل ءبولۋ ءوز جەمىسىن بەردى. بيزنەس-سالا 2,6 ميلليون قازاقستاندىقتاردى جۇمىسپەن قامتاماسىز ەتىپ وتىر.
كاسىپكەرلەر ءسىزدىڭ جۇرگىزىپ وتىرعان رەفورمالارىڭىزدى بۇتىندەي جانە تولىقتاي قولدايدى, سونىڭ ارقاسىندا ءبىزدىڭ ەلىمىز ۇلكەن تابىستارعا قول جەتكىزدى.
قازاقستاندا تمد ەلدەرى كەڭىستىگىندە ەڭ قولايلى ينۆەستيتسيالىق احۋال قۇرىلدى. مەملەكەت بيزنەس جۇرگىزۋ ءۇشىن بارىنشا قولايلى جاعدايلاردى قامتاماسىز ەتتى. ارناۋلى يندۋستريالىق ايماقتار سالىنىپ, سۋبسيديالار بولىنۋدە, ءوندىرىستىڭ جاڭا سالالارى دامۋدا. مىڭداعان جۇمىس ورىندارى قۇرىلدى.
نۇرسۇلتان ءابىش ۇلى, سىزگە داۋىس بەرە وتىرىپ, ءبىز ءسىزدىڭ كەمەڭگەر كوشباسشىلىعىڭىزبەن جارقىن بولاشاقتى تاڭدادىق.
قازاقستان كاسىپكەرلەرىنىڭ فورۋمى.
قۇرمەتتى نۇرسۇلتان ءابىش ۇلى!
بىزدەر, قازاقستان جاستارى ءسىزدى كەزەكتەن تىس سايلاۋداعى سەنىمدى جەڭىسىڭىزبەن شىن جۇرەكتەن قۇتتىقتايمىز.
ءسىزدىڭ كەمەڭگەرلىگىڭىز بەن كورەگەندىگىڭىزدىڭ ارقاسىندا تاۋەلسىزدىك جىلدارى ىشىندە قازاقستان دامۋدىڭ جوعارى دەڭگەيىنە جەتتى. ءبىز باي جانە ءوزىن-ءوزى قامتاماسىز ەتەتىن ەلمىز.
ءسىز قابىلداعان بارلىق مەملەكەتتىك باعدارلامالاردا اركەزدە دە جاستارعا جەكە كوڭىل بولىنەدى. ول ەڭبەككە ورنالاستىرۋ, تۇرعىن ۇيمەن قامتاماسىز ەتۋ, ءبىلىم بەرۋ جانە باسقالاردى العاندا بارلىق سالالارعا دا قاتىستى.
قازاقستاندا جاس قازاقستاندىقتاردىڭ الەۋەتىن ارتتىرۋعا باعىتتالعان مەملەكەتتىك جاستار ساياساتى تۇجىرىمداماسى جۇزەگە اسىرىلۋدا.
ءبىز ءۇشىن تاتۋلىق پەن كەلىسىمدە ءومىر ءسۇرىپ, ەڭبەك ەتىپ جاتقانىمىز وتە ماڭىزدى. ءبىزدىڭ ەلىمىز حالىقارالىق دەڭگەيدە دوستىق قارىم-قاتىناستار ۇستانادى. ءبىز ءسىزدىڭ باسشىلىعىڭىزبەن ءبىزدىڭ ەلىمىزدىڭ ورتالىقازيالىق وڭىردە كوش باستاۋشى پوزيتسياسىن يەلەنەتىنىن ماقتان تۇتامىز. الەمنىڭ جەتەكشى دەرجاۆالارىنىڭ كوشباسشىلارى ءسىزدىڭ پىكىرىڭىزگە قۇلاق تۇرەدى.
ءسىز ءبىز ءۇشىن ءوزىنىڭ باتىل جوسپارلارىن ءبىزدىڭ وتانىمىزدىڭ يگىلىگى مەن وركەندەۋى ءۇشىن سەنىمدى تۇردە ومىرگە ەنگىزەتىن ناعىز ەلباسىنىڭ ۇلگىسى بولىپ تابىلاسىز.
26 ساۋىردە ءبىز سىزگە ءوز داۋىسىمىزدى بەردىك, ويتكەنى, تەك سىزبەن عانا قازاقستان ءوز بولاشاعىندا قۋاتتى جانە سەنىمدى مەملەكەت بولا الادى.
قازاقستاننىڭ جاستار كونگرەسى.
قۇرمەتتى نۇرسۇلتان ءابىش ۇلى!
بىزدەر, حالىقارالىق «بولاشاق» ستيپەندياسىنىڭ ستيپەندياتتارى ءسىزدى كەزەكتەن تىس قازاقستان رەسپۋبليكاسىنىڭ پرەزيدەنتى سايلاۋىنداعى سەنىمدى جەڭىسىڭىزبەن شىن جۇرەكتەن قۇتتىقتايمىز.
ءبىز ءسىزدىڭ تابىسىڭىز بەن بۇكىل حالىقتىڭ مويىنداۋىن – ول ءسىز ءبىز ءۇشىن قامتاماسىز ەتكەن ءبىزدىڭ قوعامىمىزداعى باقۋاتتىلىق, تاتۋلىق پەن كەلىسىم ءۇشىن قازاقستاندىقتاردىڭ العىسى دەپ ەسەپتەيمىز.
ءسىز بىزگە ءبىلىم الۋعا جانە الەمنىڭ ەڭ ۇزدىك جوولارىندا زاماناۋي عىلىمنىڭ ءتۇرلى سالالارى بويىنشا بىلىمدەرىمىزدى تەرەڭدەتۋگە مۇمكىندىك بەردىڭىز.
شەتەلدەردە وقي ءجۇرىپ ءبىز ءوزىمىزدىڭ قازاقستاننان ەكەنىمىزدى ماقتانىشپەن ايتامىز.
ءسىزدىڭ ەسىمىڭىزدى ەستىگەن كەزدەگى كەز كەلگەن شەتەلدىكتىڭ جۇزىندەگى ىزگىلىك نىشانى ودان بەتەر ماقتانىش تۋعىزادى.
بۇگىندە بىزدەر ءسىزدىڭ جوعارى سەنىمىڭىز بەن قولداۋىڭىزدى اقتاي وتىرىپ, ءوز وتانىمىزدىڭ يگىلىگى ءۇشىن ەڭبەك ەتۋدەمىز. ءبىز ۇزدىك جانە تابىستى بولۋعا تىرىسامىز. ءسىزدىڭ ارقاڭىزدا ءبىزدى اتا-انالارىمىز بەن دوستارىمىز ماقتانىش تۇتادى.
26 ساۋىردە ءبىزدىڭ داۋىسىمىز ءسىزدى, ءسىزدىڭ رەفورمالار مەن پروگرەستىڭ بىردەن-ءبىر دۇرىس باعىتىن تاڭداعان ميلليونداعان قازاقستاندىقتار داۋىسىنىڭ ءبىر بولىگىنە اينالدى.
«بولاشاق» باعدارلاماسىنىڭ ستيپەندياتتارى.
قۇرمەتتى نۇرسۇلتان ءابىش ۇلى!
بىزدەر, 200-دەن استام سالالىق, وڭىرلىك جانە رەسپۋبليكالىق بيزنەس-اسسوتسياتسيالاردى بىرىكتىرەتىن «اتامەكەن» ۇلتتىق كاسىپكەرلەر پالاتاسىنىڭ وكىلدەرى ءسىزدى كەزەكتەن تىس قازاقستان رەسپۋبليكاسىنىڭ پرەزيدەنتى سايلاۋىنداعى سەنىمدى جەڭىسىڭىزبەن شىن جۇرەكتەن قۇتتىقتايمىز.
ءسىزدىڭ بۇگىنگى سالتاناتىڭىز – قازاقستاننىڭ تابىسى مەن بىرلىگىن قامتاماسىز ەتىپ وتىرعان ءسىزدىڭ پروگرەسشىل يدەيالارىڭىزدىڭ, ءسىزدىڭ كەمەڭگەر ساياساتىڭىزدىڭ جەڭىسى.
ءسىز ەكونوميكانىڭ بارلىق سالالارىنداعى ىرعاقتى ءوسىمدى جانە قازاقستانداعى قوعامدىق تۇراقتىلىقتى قامتاماسىز ەتتىڭىز.
ءسىزدىڭ ساليقالى ساياساتىڭىزدىڭ ارقاسىندا قازاقستاندا تارتىمدى ينۆەستيتسيالىق احۋال قۇرىلدى.
ءسىز قازاقستان بيزنەسمەندەرىنىڭ شەتەلدىك ءارىپتەستەرىمەن ءوزارا بايلانىسى جانە ءبىزدىڭ تاۋارلارىمىزدىڭ حالىقارالىق رىنوكقا شىعۋى ءۇشىن قولايلى قۇقىقتىق جانە ەكونوميكالىق جاعدايلار جاسادىڭىز.
كەزەكتەن تىس قازاقستان رەسپۋبليكاسىنىڭ پرەزيدەنتى سايلاۋىندا قازاقستاننىڭ بيزنەس-قاۋىمداستىعى ەلدىڭ بۇكىل حالقىمەن بىرگە ءوز بولاشاعىن سىزبەن بىرگە تاڭدادى.
ءبىز ودان ارعى سەنىمدى ەكونوميكالىق ءوسىمدى, ءال-اۋقاتتى, قازاقستاندىق قوعامنىڭ تاتۋلىعى مەن وركەندەۋىن تاڭدادىق.
«اتامەكەن» ۇلتتىق كاسىپكەرلەر پالاتاسى.
قۇرمەتتى نۇرسۇلتان ءابىش ۇلى!
بىزدەر قازاقستاننىڭ جوعارى وقۋ ورىندارىنىڭ باسشىلارى مەن عىلىمي-پەداگوگيكالىق قۇرامى ءسىزدى كەزەكتەن تىس قازاقستان رەسپۋبليكاسىنىڭ پرەزيدەنتى سايلاۋىنداعى سەنىمدى جەڭىسىڭىزبەن شىن جۇرەكتەن قۇتتىقتايمىز.
قازاقستاندىقتار 26 ساۋىردە سىزگە داۋىس بەرە وتىرىپ, پروگرەسس پەن تابىستى دامۋ جولىن تاڭدادى.
ناعىز ەلباسى رەتىندە ءسىز اركەزدە دە قازاقستان دامۋىنىڭ بارلىق باعىتتارى بويىنشا ەڭ ءبىر دۇرىس شەشىمدەردى تاڭدايسىز جانە بىردەن-ءبىر دۇرىس شارالار قابىلدايسىز.
ءسىزدىڭ جەكە نازار اۋدارۋىڭىزدىڭ ارقاسىندا قازاقستاندا عىلىم مەن يننوۆاتسيالاردى دامىتۋ ءۇشىن جاعدايلار جاسالدى, جاڭا بۋىن ۋنيۆەرسيتەتتەر قۇرىلدى جانە جۇمىس ىستەپ تۇرعان جوولارداعى عىلىمي-پەداگوگيكالىق جۇمىستار وزىق الەمدىك تاجىريبەلەرگە سايكەس تۇبەگەيلى تۇردە قايتا پىشىندەلدى.
ءسىزدىڭ تابىستى سىرتقى ساياساتىڭىزدىڭ ارقاسىندا ورناعان مادەنيەتارالىق بايلانىستاردىڭ ناتيجەسىندە الەمنىڭ ۇزدىك جوولارىمەن حالىقارالىق ىقپالداستىق جولعا قويىلدى.
ءسىز ءبىلىم بەرۋ سالاسى مەن عىلىمنىڭ دامۋى ءۇشىن بارلىق جاعدايلار جاسادىڭىز. بۇگىندە قازاقستاندىقتاردىڭ نەعۇرلىم ساۋاتتى قوعام رەتىندە الەمدىك رەيتينگتە جەتەكشى پوزيتسيالارعا يە بولۋى سونىڭ ناتيجەسى. 26 ساۋىردە وتكەن سايلاۋدىڭ قورىتىندىسى قازاقستاندىقتاردىڭ سىزبەن بىرلىگىن, ءسىزدىڭ باعىتىڭىزدى بۇكىلحالىقتىق قولداۋدى تولىق دارەجەدە بەينەلەدى.
قازاقستان جوعارى وقۋ ورىندارىنىڭ اسسوتسياتسياسى.
اسا قادىرلى نۇرسۇلتان ءابىش ۇلى!
«وسكەمەن تيتان-ماگني كومبيناتى» اق باسقارماسى مەن ۇجىمى اتىنان ءسىزدى قازاقستان رەسپۋبليكاسىنىڭ پرەزيدەنتى لاۋازىمىنا مەرزىمىنەن بۇرىن وتكىزىلگەن سايلاۋداعى جەڭىسىڭىزبەن قۇتتىقتاۋعا رۇقسات ەتىڭىز.
سايلاۋداعى ايرىقشا جەڭىسىڭىز قازاقستاننىڭ كوپۇلتتى حالقىنىڭ سىزگە دەگەن شەكسىز قۇرمەتى مەن زور سەنىمىن ايشىقتى كورسەتىپ بەردى. قوعامدىق تۇراقتىلىق, ەكونوميكالىق جەتىستىكتەر, حالىقتىڭ ءال-اۋقاتىن جاقسارتۋ جانە دە قازاقستان رەسپۋبليكاسىنىڭ حالىقارالىق جوعارى بەدەلى ءسىزدىڭ ەسىمىڭىزبەن تىعىز بايلانىستى. سونداي-اق, كومبيناتتىڭ جەتىستىكتەرى مەن جەمىسى ءسىزدىڭ تۇراقتى قامقورلىعىڭىز بەن قولداۋىڭىزدىڭ ارقاسىندا مۇمكىن بولدى.
ءبىز, پاتريوتتىق سەزىمگە, ازاماتتىق بورىشقا, جالپى ۇلتتىق ىنتىماقتاستىققا جانە ەلىمىزدەگى تىنىشتىق پەن بەيبىتشىلىكتى ساقتاۋداعى جاۋاپكەرشىلىككە سۇيەنە وتىرىپ, ءوز تاڭداۋىمىزدى جاسادىق.
«وتمك» اق ۇجىمى كەلەشەكتە, ءوزىنىڭ كۇندەلىكتى ەڭبەگىمەن, ءسىزدىڭ بارلىق تاپسىرمالارىڭىزدى ورىنداۋعا, سونداي-اق, قازاقستان رەسپۋبليكاسىنىڭ وركەندەۋى ءۇشىن قولدان كەلگەنشە قىزمەت ەتۋگە دايىن.
سىزگە زور دەنساۋلىق, قازاقستان رەسپۋبليكاسىنىڭ دامۋى يگىلىگىندەگى قاجىرلى ەڭبەگىڭىزگە ساتتىلىك تىلەيمىز!
«وتمك» اق ەڭبەك ۇجىمى.
اسا قۇرمەتتى نۇرسۇلتان ءابىش ۇلى!
ءسىزدى «باس رەداكتورلار كلۋبى» مەن باق وكىلدەرى اتىنان كەزەكتەن تىس پرەزيدەنت سايلاۋىنداعى سەنىمدى جەڭىسىڭىزبەن شىن جۇرەكتەن قۇتتىقتايمىز!
ءسىز مەملەكەت تىزگىنىن قولعا العان ۋاقىتتان بەرى ەلدە قوعامدىق تۇراقتىلىق ورناپ, ەكونوميكانىڭ ءوسۋ قارقىنى جىل سايىن ەسەلەنىپ كەلەدى. ءسىزدىڭ ەل ىرگەسىندەگى عانا ەمەس, جاھاندىق دارەجەدەگى باتىل باستامالارىڭىز جان-جاقتى قولداۋ تاۋىپ, سونىڭ ارقاسىندا قازاقستان الەمنىڭ الپاۋىتتارى ساناساتىن ساياسي بەدەلى زور مەملەكەتكە اينالدى.
قازاقستاندىقتاردىڭ ەل باسقارۋ مىندەتىن كەزەكتى رەت وزىڭىزگە سەنىپ تاپسىرۋى بەكەر ەمەس. ءسىزدىڭ سايلاۋداعى ايقىن جەڭىسىڭىز – قازاقستاندى وركەنيەتتى ەلدەر قاتارىنا قوسىپ, قۋاتتى مەملەكەت قۇرۋ جولىنداعى تەڭدەسسىز ەڭبەگىڭىزگە حالىقتىڭ بەرگەن بيىك باعاسى.
سىزدەي ەلباسى تۇعىرىن بەكىتكەن مەملەكەت مىندەتتى تۇردە ماڭگىلىك ەل بولارى حاق. مەملەكەتىمىزدى كۇللى الەمگە تانىتىپ, بەدەلىن اسىرعان, تاريحىن تۇگەندەپ, ءتىلى مەن ءدىلىن جاڭعىرتقان ءبىرتۋار تۇلعا – ءوزىڭىز! ياعني, تەك ءسىزدىڭ باسشىلىق ەتۋىڭىزبەن قازاقستان بارلىق سىن-قاتەردەن سۇرىنبەي وتەرى ءسوزسىز.
وسى ورايدا, ءبىز ءسىزدىڭ ساليقالى ساياساتىڭىزدى ناسيحاتتاپ, حالىقتىڭ ماقسات-مۇددەسىمەن ۇندەسەتىن جاڭالىق جارشىسى بولۋعا اركەز ءازىرمىز. دەنىڭىزگە ساۋلىق, حالقىمىزعا باق-بەرەكە تىلەيمىز.
باس رەداكتورلار كلۋبى.