بارىمتاشىلىق الماتى وبلىسىندا بولعان. پوليتسەيلەر «ۋچاسكە» جەدەل ءىس-شاراسى بارىسىندا مال ۇرىلارىن ۇستاعان, دەپ حابارلايدى Egemen.kz.
بارىمتاشىلار مال قاراۋسىز جايىلاتىن جەرلەردە ولاردى سويىپ, ەتتەرىن كولىكتىڭ جۇكسالعىشىنا تيەپ الىپ كەتىپ وتىرعان, بارلىق مال ۇرلىقتارى اتالعان ءبىر سحەمامەن ىسكە اسىرىلعان.
وبلىستىق كريمينالدىق پوليتسيا باسقارماسىنىڭ مالىمەتىنشە جامبىل اۋدانى اۋماعىندا ەكى كۇدىكتىنى ۇستاۋ بويىنشا جۇمىستار جۇرگىزىلگەن, ولاردىڭ 3 مال ۇرلىعىنا قاتىسى بارى انىقتالعان. ۋاقىتشا ۇستاۋ يزولياتورىنا قامالعان كۇدىكتىلەردىڭ وسىعان ۇقساس قىلمىستارعا قاتىسى بار-جوعى تەكسەرىلىپ جاتىر.