Polisia.kz سايتىنىڭ حابارلاۋىنشا, تەمىر اۋدانىنىڭ تۇرعىنى تەلەفونى ارقىلى بەلگىسىز بىرەۋلەردىڭ ونىڭ اتىنان نەسيە راسىمدەگەنى تۋرالى پوليتسياعا شاعىمداندى.
پوليتسەيلەردىڭ انىقتاۋىنشا, اۆتوكولىك سالونىندا ىشىمدىك ءىشىپ وتىرعان كەزدە جابىرلەنۋشى ۇيىقتاپ قالعان.
وسى ءساتتى پايدالانعان تانىسى تەلەفونداعى بانك قوسىمشاسى ارقىلى 400 مىڭ تەڭگە نەسيە راسىمدەپ, ءوز شوتىنا اۋدارعان.
ۇرلىق فاكتىسى بويىنشا سوتقا دەيىنگى تەرگەۋ باستالدى. كۇدىكتى كىناسىن مويىندادى.