«مەنىڭ اتىم قوجا» فيلمىندە جانار ەسىمدى كەيىپكەردى سومداعان تانىمال اكتريسا كۇلاش قاجىعاليەۆا ومىردەن ءوتتى, دەپ حابارلايدى Egemen.kz.
قايعىلى حاباردى عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى حابارلادى.
«قر ەڭبەك سىڭىرگەن ءارتيسى, ەرەن ەڭبەگى ءۇشىن جانە «ەڭبەك ارداگەرى» مەدالدەرىنىڭ يەگەرى, تەاترىمىزدىڭ ءارتيسى قاجىعاليەۆا كۇلاش سوپقانقىزى ومىردەن ءوتتى. ونەردىڭ اڭىز, تەاترىمىزدىڭ ابىز اناسىنان ايىرىلۋ ورنى تولماس ۇلكەن قايعى. وتباسى مەن تۋىستارىنا قايعىرا كوڭىل ايتامىز», دەلىنگەن حابارلامادا.كۇلاش قاجىعاليەۆا 1942 جىلى الماتى وبلىسى ۇيگەنتاس اۋدانى اقجار اۋىلىندا دۇنيەگە كەلگەن.
1969 جىلدان باستاپ تىنباي ەڭبەك ەتىپ, جەمىستى جۇمىس جاساعان اكتريسا ب.سوقپاقباەۆ «مەنىڭ اتىم قوجا» - جانار, «قىزىل سۇڭقارلار» - مارۋار, يران-عايىپ «قورقىتتىڭ كورى» - قامقا شەشە, ش.ايتماتوۆ «ىستىقكول تراگەدياسى» - كەمپىر, «اق كەمە» - كەمپىر, س.بالعاباەۆ «قىز جيىرماعا تولعاندا» - عاني, ءا.تارازي «جاقسى كىسى» - بالزيا, و.بوكەي «اتاۋ-كەرە» - مارفا, «اۋىلدان كەلگەن ارۋ» - ساندىگۇل, س.بالعاباەۆ «ەڭ العاشقى جاڭا جىل» - اجە, ا.پ.چەحوۆ «شاعالا» - پولينا اندرەەۆنا جانە ت.ب. رولدەردى سومداعان.