الماتى اكىمىنىڭ وكىمىمەن, سونداي-اق قر پرەزيدەنتى اكىمشىلىگىنىڭ جانە قالا ءماسليحاتىنىڭ كەلىسىمىمەن تالعات مالىباەۆ الاتاۋ اۋدانىنىڭ اكىمى لاۋازىمىنا تاعايىندالدى, دەپ حابارلايدى Egemen.kz.
تالعات مالىباەۆ 1987 جىلى قاراعاندى وبلىسىندا دۇنيەگە كەلگەن. قاراعاندى مەملەكەتتىك تەحنيكالىق ۋنيۆەرسيتەتىن «كولىك» ماماندىعى بويىنشا بىتىرگەن.
ەڭبەك جولىن 2010 جىلى قاراعاندى ق. «اگرو-كونسالتينگ – ك» اق ستراتەگيا جانە بيۋدجەتتىك جوسپارلاۋ دەپارتامەنتىنىڭ مامانى رەتىندە باستاعان.
ءار جىلدارى قۇرىلىس كومپانيالارىندا جۇمىس ىستەگەن, سونداي-اق الماتى قالاسىنىڭ «الماتى جىلۋ جەلىلەرى» جشس-دە, الماتى وبلىسىنىڭ «جەتىسۋ» اكك ۇك اق-دا باسشىلىق قىزمەت اتقاردى. «الماتى قالاسىن دامىتۋ ورتالىعى» اق تكش قىزمەتتەرىنىڭ ساپاسىن ارتتىرۋدىڭ بازالىق باعىتىن ىسكە اسىرۋ توبىنىڭ جەتەكشىسى بولعان.
2023 جىلدىڭ ماۋسىم ايىنان باستاپ الماتى قالاسى ەنەرگەتيكا جانە سۋمەن جابدىقتاۋ باسقارماسىنىڭ باسشىسى قىزمەتىن اتقارعان ەدى.