مەملەكەت باسشىسى نۇرسۇلتان نازارباەۆ ءابۋ-ءدابيدىڭ مۇراگەر حانزاداسى, بىرىككەن اراب امىرلىكتەرى قارۋلى كۇشتەرى جوعارعى باس قولباسشىسىنىڭ ورىنباسارى شەيح مۇحاممەد بەن زايد ءال ناحايانمەن تەلەفون ارقىلى سويلەستى, دەپ حابارلادى پرەزيدەنتتىڭ ءباسپاسوز قىزمەتى.
ءابۋ-ءدابيدىڭ مۇراگەر حانزاداسى ەلباسىن پرەزيدەنتتىك سايلاۋداعى جەڭىسىمەن قۇتتىقتادى جانە قازاقستاندى ىلگەرىلەتۋ مەن وركەندەتۋگە باعىتتالعان اۋقىمدى رەفورمالاردىڭ تابىستى جۇزەگە اسىرىلاتىنىنا سەنىم ءبىلدىردى.
اڭگىمە بارىسىندا تاراپتار ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتى ودان ءارى نىعايتۋ شارالارىن تالقىلادى.
سونىمەن قاتار, نۇرسۇلتان نازارباەۆ پەن مۇحاممەد بەن زايد ءال ناحايان وڭىرلىك جانە حالىقارالىق كۇن تارتىبىندەگى نەگىزگى جايتتار جونىندە پىكىر الماستى.