اتاسىنىڭ قاسىنان شىقپايتىن كىشكەنتاي كاۋسار كورگەنىن جادىنا ساقتاي جۇرگەن. ەسەيە كەلە قاراپ وتىرماي, اتاسى جاساعان زاتتارعا ۇلتتىق ويۋدى بەدەرلەپ, كەيدە ءوزى دە ءتۇرلى بۇيىمدار جاساي باستاعان.
وسىلايشا, قازاقتىڭ ۇلتتىق قولونەر بۇيىمدارىن جاساۋدى جاقسى مەڭگەرگەن كاۋسار قالمىرزاقىزى – كەلەس اۋدانىنداعى №47 د.قوناەۆ اتىنداعى جالپى ءبىلىم بەرەتىن مەكتەبىنىڭ 9-سىنىپ وقۋشىسى. كوپبالالى وتباسىندا ءوسىپ جاتقان كاۋسار بۇگىندە اتاسىنا كومەكتەسىپ دومبىرا, قوبىز, ۇلتتىق جادىگەرلەر مەن قولونەر بۇيىمدارىن جاسايدى. «اتام 20 جىلدان بەرى قولونەرمەن اينالىسادى. ماعان بۇل ءىس قاتتى ۇنايدى. ساباقتان كەيىن ۇيگە قاراي اسىعامىن, بوس ۋاقىتىمدى ءتيىمدى وتكىزگىم كەلەدى. مەكتەپتە كوركەم ەڭبەك ءپانى قاتتى قىزىقتىرادى», دەيدى كاۋسار سۇندەتقۇل.
ءيا, كاۋساردىڭ اتاسى سۇندەتقۇل التىنبەك ۇلى – وڭىرگە تانىمال قولونەر شەبەرلەرىنىڭ ءبىرى. ال اكەسى – شاشتاراز, اناسى مەكتەپتە مۇعالىم بولىپ جۇمىس ىستەيدى. اتاسى مەن نەمەرەسىنىڭ جاساعان قولونەر بۇيىمدارى, دومبىرالارى ءتۇرلى كورمەلەرگە قويىلعان. اۋىل تۇرعىندارى اراسىندا دا سۇرانىسقا يە.
تۇركىستان وبلىسى