الماتى. 27 ءساۋىر. رەسپۋبليكا سارايىنىڭ الدىنا ەلىمىزدىڭ كوك تۋىن تولقىنداتا جەلبىرەتىپ جينالعان دۋماندى جاستار فلەش-موبى «العا, قازاقستان! جاسا, نۇرسۇلتان!..» دەپ داۋىستادى. قازاقستانداعى پرەزيدەنت سايلاۋىنىڭ جەڭىسى الماتىعا وسىلاي كەلدى. بۇل تۋرالى egemen.kz ءتىلشىسى حابارلادى.
قالا اكىمى احمەتجان ەسىموۆ: «بارشاڭىزدى پرەزيدەنت سايلاۋىنداعى ورتاق جەڭىستەرىڭىزبەن قۇتتىقتايمىن, قۇرمەتتى الماتىلىقتار!», – دەدى. كۇنى بۇگىن الەمنىڭ اقپارات كوزدەرىنىڭ اراسىندا قازاقستاندا وتكەن پرەزيدەنت سايلاۋىنا حالىقتىڭ قاتىسۋىن سەنساتسياعا باعالاپ جاتقاندارى دا بار. ەلدەگى ەڭ ۇلكەن شاھار الماتى وعان زور ۇلەس قوستى. بەلگىلى ساياساتتانۋشى-عالىم ءازىمباي عالي وتكەن پرەزيدەنت سايلاۋى تۋرالى بىلاي دەدى: «پرەزيدەنت نۇرسۇلتان نازارباەۆتىڭ قازاقستان حالقى الدىنداعى لەگيتيمى بۇرىن دا جوعارى بولاتىن. كەشەگى سايلاۋ ونىڭ قولىنا كارت-بلانش الىپ بەردى. ەل سەنىمىنىڭ ارقاسىندا ەرەكشە قولداۋعا يە بولدى. حالىقارالىق ۇلكەن كەڭىستىكتەگى ەلباسىنىڭ بەدەلى مەن مارتەبەسى كوپشىلىككە ايان. پرەزيدەنت نازارباەۆ سىرتتان دا, ىشتەن دە زور قولداۋ الىپ, ەشقانداي داۋسىز تازا جەڭىسكە جەتتى».
تالعات ءسۇيىنباي.
دەرەك, سۋرەت: egemen.kz.