استانا. 27 ءساۋىر. ءماسىموۆ ۇكىمەتى مامىر ايىنىڭ باسىندا وتستاۆكاعا كەتەدى. بۇل تۋرالى zakon.kz حابارلادى.
قازاقستان رەسپۋبليكاسى كونستيتۋتسياسىنىڭ 70-بابىنا سايكەس ۇكىمەت جاڭادان سايلانعان قازاقستان رەسپۋبليكاسى پرەزيدەنتىنىڭ الدىندا ءوز وكىلەتتىگىن دوعارادى. كونستيتۋتسيا تالاپتارىنا ساي پرەزيدەنت پارلامەنت ماجىلىسىندەگى ساياسي پارتيالاردىڭ فراكتسيالارىمەن كەڭەسكەننەن كەيىن, پرەمەر-ءمينيستردىڭ كانديداتۋراسىن ءماجىلىس قاراۋىنا ۇسىنادى.
جاڭا كانديداتۋرانى ءماجىلىس ماقۇلداسا, پرەزيدەنت ونى قىزمەتكە تاعايىندايدى. تاعايىندالعان ۇكىمەت باسشىسى 10 كۇن مەرزىم ىشىندە پرەزيدەنتكە جاڭا ۇكىمەتتىڭ قۇرىلىمى مەن قۇرامىن ۇسىنۋى ءتيىس.
ەلامان قوڭىر.
دەرەك: zakon.kz.
سۋرەت: egemen.kz.