قازاقستانعا ءداندى-داقىلداردى اكەلۋگە تىيىم سالىنعاننان بەرى تىيىم سالىنعان ءونىمدى زاڭسىز اكەلۋگە تىرىسقاندار كوبەيگەن. بەلگىلەنگەن شەكتەۋلەردى اينالىپ ءوتۋ ءۇشىن ءار ءتۇرلى ءادىس قولدانىلىپ كەلەدى, دەپ حابارلايدى Egemen.kz.
اۋىل شارۋاشىلىعى مينيسترلىگىنىڭ مالىمەتىنشە, 6 قىركۇيەكتە بقو تەمىرجول فيتوسانيتارلىق پوستتارىندا اۋماقتىق ينسپەكتسيا ينسپەكتورلارى رەسەيدىڭ ساراتوۆ وبلىسىنان كەلگەن 4 ۆاگون بيدايدى (251 توننا) تاۋىپ, كەرى قايتارعان.
ۆاگوندار تالدىقورعانعا باعىتتالعان.
مينيسترلىك مالىمەتىنشە, بۇل دەرەك ءداندى-داقىلداردىڭ كونترابانداسى ارەكەتتەرىنىڭ جالعاسىپ جاتقانىن كورسەتەدى.
وسىمدىكتەر كارانتينى بويىنشا ينسپەكتورلار ۇزدىكسىز باقىلاۋ مەن قاداعالاۋ جۇرگىزىپ, تەكسەرۋلەر جۇرگىزىپ, اقپاراتتى تالدايدى, ەرەجەلەردىڭ ساقتالۋىن قاداعالايدى جانە زاڭبۇزۋشىلىقتاردى انىقتايدى, بۇل ەلدىڭ فيتوسانيتارلىق قاۋىپسىزدىگىن جانە ازىق-ت ۇلىك قاۋىپسىزدىگىن قامتاماسىز ەتۋ ءۇشىن قاجەت, دەپ جازىلعان رەسمي حابارلامادا.
ەسكە سالا كەتەيىك, ىشكى نارىقتى قورعاۋ جانە ءداندى-داقىلداردى قايتا ەكسپورتتاۋ دەرەكتەرىن بولدىرماۋ ءۇشىن 2024 جىلدىڭ 26 شىلدەسىندە سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى بويىنشا ۆەدومستۆوارالىق كوميسسيانىڭ وتىرىسىندا قازاقستان اۋماعىنا ءۇشىنشى ەلدەردەن جانە ەاەو ەلدەرىنەن كەلەتىن بيدايدى بارلىق كولىك تۇرلەرىمەن اكەلۋگە 2024 جىلدىڭ 31 جەلتوقسانىنا دەيىن تىيىم سالۋ تۋرالى شەشىم قابىلداندى. بۇل شەشىم قازاقستان اۋماعى ارقىلى بيدايدىڭ ءترانزيتىن قوسپاعاندا, كۇشىنە ەنەدى.