الماتى وبلىسى, الاكول اۋدانى, ج.بالاپانوۆ اۋىلى № 56 قىزىلاششى سايلاۋ ۋچاسكەسىندە 104 جاستاعى رابات قاريا تەگىسباەۆ قازاقستان رەسپۋبليكاسىنىڭ پرەزيدەنتتىگىنە ۇمىتكەردى تاڭداۋعا ارنالعان سايلاۋعا قاتىسىپ, ءوز تاڭداۋى بويىنشا داۋىس بەردى.
جاستايىنان رابات قاريا ەڭبەككە ارالاسىپ, ەسكىشە وقىپ, كەيىننەن 3 سىنىپتىق ءبىلىم العان. 1941 جىلدىڭ قاراشا ايىندا ۇلى وتانىن قورعاۋ ءۇشىن مايدانعا 153-ءشى اتقىشتار پولكى قۇرامىندا قاتارداعى جاۋىنگەر بولىپ اتتانادى. وتان ءۇشىن سۇراپىل شايقاسقا ۆولگا وزەنىنەن باستاپ كىرىسىپ, كۋرسك تۇبىندەگى ارپالىستا, ۋكراينا, لاتۆيا, پولشانى ازات ەتۋ ءۇشىن جان اياماي شايقاسقان. 1945 جىلى 9 مامىردا ۇلى جەڭىستى بەرلين قالاسىندا قارسى الىپتى. بەرلين قالاسى ءۇشىن بولعان شايقاستا قاتتى جارالانىپ, اسكەري گوسپيتالدا ءبىر جىلدان استام ۋاقىت ەمدەلگەن. 1946 جىلدىڭ قازان ايىندا تۋعان جەرىنە ورالادى. اۋىلعا كەلگەننەن باستاپ ەڭبەككە ارالاسىپتى. 1946 جىلدىڭ قاراشا ايىنان باستاپ شوپان بولىپ ەڭبەك ەتىپتى. 1947 جىلى ءوز اۋىلىنداعى گاۋھار شالوۆامەن وتباسىن قۇرادى. قازىر بەينەتىنىڭ زەينەتىن كورىپ وتىر.
رابات اقساقال II دارەجەلى ۇلى وتان سوعىسىنىڭ وردەنىمەن «گ.جۋكوۆ», «ۋكراينانى ازات ەتكەنى» ءۇشىن مەدالدارىمەن ماراپاتتالعان.
رابات تەگىسباي ۇلى 104 جاسقا كەلسە دە تىڭ. اۋىلدىڭ ابىرويلى اقساقالى. ءۇش ۇلى مەن نەمەرەلەرىنىڭ اراسىندا باقىتتى عۇمىر كەشۋدە.
نۇربول الدىباەۆ,
«ەگەمەن قازاقستان».
الماتى وبلىسى,
الاكول اۋدانى.