ورتالىق سپورت كلۋبىندا سامبو مەن قازاق كۇرەسىنەن اسكەري قىزمەتشىلەر اراسىندا تمد چەمپيوناتى ءوتتى, دەپ حابارلايدى Egemen.kz.
بوز كىلەمدەگى جەكپە-جەكتە قازاقستان, رەسەي, تاجىكستان سپورتشىلارى باق سىنادى.
چەمپيونات قورىتىندىسى بويىنشا ءبىرىنشى ورىندا قازاقستان ارمياسىنىڭ اسكەري قىزمەتشىلەرى, ەكىنشى ورىندا رەسەي كومانداسى, ءۇشىنشى ورىندا تاجىكستاننان كەلگەن سپورتشىلار تۇر. سونىمەن قاتار قازاقستان سپورتشىلارى جەتى التىن مەدال جەڭىپ الدى. رەسەي ارمياسى كومانداسىنىڭ قورجىنىندا – ءتورت التىن, تاجىكستاننان كەلگەن اسكەري قىزمەتشىلەردە – بىرەۋى بار.
– اسكەري قىزمەتشىلەر اراسىندا ۇلتتىق سپورت ءتۇرى – قازاق كۇرەسىنەن جارىس وتكىزۋ ءبىز ءۇشىن وتە ماڭىزدى. جالپى چەمپيونات جوعارى دەڭگەيدە ءوتتى. قورعانىس مينيسترلىگىنىڭ سپورت كوميتەتى اتىنان ۇيىمداستىرۋشىلاردىڭ ۇيلەسىمدى جۇمىسىن جانە سپورتشىلاردىڭ جاقسى دايىندىعىن اتاپ وتكىم كەلەدى, – دەپ تۇيىندەدى Qazaq kuresi قاۋىمداستىعىنىڭ ديرەكتورى دامير بەكبوسىنوۆ.
قازاق كۇرەسىن دارىپتەۋ جۇمىستارى ءارى قاراي جالعاساتىنىن ەستەرىڭىزگە سالا كەتەيىك. كەلەسى جىلى حالىقارالىق اسكەري سپورت كەڭەسى (CISM) اياسىندا استانادا كۇرەستىڭ وسى ۇلتتىق تۇرىنەن الەم چەمپيوناتى وتەدى.