ۇلتتىق قاۋىپسىزدىك كوميتەتى رەسەيلىك سەرىكتەستەرىمەن بىرلەسىپ, شەكارادا ەسىرتكى ساتۋمەن اينالىسقانداردى قولعا ءتۇسىردى, دەپ جازادى Egemen.kz.
ارنايى وپەراتسيا تامىز ايىندا جۇرگىزىلگەن. ۇستالعانداردان «سولتۇستىك باعىت» دەپ اتالاتىن اۋعان ەسىرتكى كونترابانداسى تاركىلەندى. تاركىلەنگەن گاشيشتىڭ جالپى سالماعى 50 كگ قۇراعان. ونىڭ قارا نارىقتاعى قۇنى شامامەن 500 مىڭ اقش دوللارىنا جەتۋى مۇمكىن ەدى.
ۇلتتىق قاۋىپسىزدىك كوميتەتى رەسەيدىڭ شەكارالاس اۋداندارىنىڭ بىرىندە ەسىرتكى ساۋداسىن جۇرگىزۋ كەزىندە حالىقارالىق ەسىرتكى توبىنىڭ ەكى قاتىسۋشىسى ۇستالىپ, تەرگەۋ جۇرگىزىلىپ جاتقانىن ءمالىم ەتتى.