قر عىلىم جانە جوعارى ءبىلىم ءمينيسترى ساياسات نۇربەك ۇبت جۇيەسىنە وزگەرىستەر ەنگىزىلەتىنىن مالىمدەدى, دەپ حابارلايدى Egemen.kz.
«ۇلتتىق بىرىڭعاي تەستتەرىن قۇراستىراتىن 300 ساراپشىنى دايارلادىق. ماماندار ەڭ مىقتى تەست ورتالىقتارىنا بارىپ تاعىلىمدامادان ءوتتى. ەندى ءبىز ۇبت سۇراقتارىن باسقاشا قۇراستىراتىن بولامىز, جۇمىس باستالدى. ۇبت-عا قاتىستى كەز كەلگەن وزگەرىس ەنگىزىلسە, تۇلەكتەر بىردەن شۋلاپ كەتەدى. سوندىقتان ونى بىردەن اۋىستىرۋعا مۇمكىندىك جوق. رەفورمانى اقىرىنداپ, 3-4 جىلدىڭ ىشىندە جۇزەگە اسىرۋىمىز كەرەك. ءبىرىنشى كەزەڭدە سۇراقتاردىڭ ساپاسى وزگەرەدى. بالا قالاعان ۋاقىتتا جانە قالاعان جەردە ۇبت تاپسىرا الۋى ءتيىس. جيناعان ۇپايى قاناعاتتاندىرماسا قايتا تاپسىرادى. وزىنە كەرەكتى بالل العانعا دەيىن تاپسىرا الادى», دەدى ساياسات نۇربەك.
ءمينيستردىڭ مالىمەتىنشە, بيىل 11 مىڭنان استام تۇلەك ۇبت تاپسىرعان. سونداي-اق بيىل تۇلەكتەر 90-نان جوعارى بالل جيناعان, بىراق گرانتقا تۇسە الماعان.
سونىمەن قاتار مينيستر ەلدەگى جوعارى وقۋ ورىندارى تالاپكەرلەر ءۇشىن قابىلداۋ ەمتيحاندارىن وزدەرى ۇيىمداستىرىپ, وزدەرى قابىلدايتىن ۇلگىگە كوشۋ كەرەك ەكەنىن تىلگە تيەك ەتتى.