قۇتقارۋشىلار سۋعا باتىپ كەتكەن پاۆلودار تۇرعىنىنىڭ ءمايىتىن جاعاعا شىعاردى, دەپ حابارلايدى Egemen.kz.
قايعىلى وقيعا 20 شىلدەدە بولعان. 1973 جىلى تۋعان ەر ادام شومىلۋعا تىيىم سالىنعان جەردە سۋعا تۇسكەن, كۋاگەرلەر ونىڭ ماس بولعانىن راستاعان.
ىزدەستىرۋ جۇمىستارىنا تجد جەدەل-قۇتقارۋ جاساعىنىڭ قۇتقارۋشىلارى دەرەۋ قوسىلعان. سۇڭگۋىر-قۇتقارۋشىلار كۇن سايىن ەكى ءجۇزۋ قۇرالدارىندا جۇمىس ىستەگەن. سونىمەن قاتار ەرتىس وزەنىنىڭ ءتۇبىن ەحولوت كومەگىمەن سكانەرلەۋ جۇرگىزىلدى.
«سۋعا باتقان ادامنىڭ دەنەسى وقيعا ورنىنان 20 شاقىرىم جەردەن تابىلدى. قۇتقارۋشىلاردىڭ جۇمىسىن سۋ استىنداعى قاتتى اعىن مەن نولدىك كورىنۋ جاعدايى قيىنداتتى», دەلىنگەن تجد حابارلاماسىندا.