گرۋزيادا EuPhO ەۋروپالىق فيزيكا وليمپياداسى اياقتالدى. قازاقستان وقۋشىلارى تاعى ءتورت مەدال يەلەنىپ, جەڭىس قورجىنىن تولىقتىردى, دەپ حابارلايدى Egemen.kz وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
الماتى قالاسى فمب نزم 11-سىنىپ وقۋشىسى بەكاسىل ەلۋباي مەن استانا قالاسى رفمم 10-سىنىپ وقۋشىسى التاير اقانوۆ كۇمىس مەدال جەڭىپ الدى.
سونداي-اق ن.نۇرماقوۆ اتىنداعى قاراعاندى وبلىستىق مامانداندىرىلعان مەكتەپ-ليتسەي-ينتەرناتىنىڭ 9-سىنىپ وقۋشىسى نۇرگۇل ەگەنبەرگەنوۆا مەن اتىراۋ قالاسىنىڭ № 1 ء«بىلىم-يننوۆاتسيا» مەكتەپ-ينتەرناتىنىڭ 10-سىنىپ وقۋشىسى نۇراسىل بارلىباەۆ قولا مەدال ەنشىلەدى.
ەسكە سالايىق, ەۋروپالىق فيزيكا وليمپياداسى جوعارى سىنىپ وقۋشىلارى اراسىندا وتەدى. 2023 جىلى ەلىمىزدىڭ كومانداسى 1 كۇمىس, 2 قولا جانە 1 قۇرمەت گراموتاسىن جەڭىپ العان ەدى.