وقۋشىلار مەن ستۋدەنتتەر قارجىلىق ساۋاتتىلىق بويىنشا ءبىلىم الادى

جۇمىس ىستەيتىن 10 ملن ازاماتتىڭ 9 ميلليونىندا نەسيە بار, ال تىزىلىمدەگى بورىشكەرلەردىڭ جالپى سانى 3,4 ملن ادامدى قۇرايدى. تۇتىنۋشىلىق نەسيەلەردىڭ جالپى كولەمى 5 ترلن تەڭگەگە ءوسىپ,  2023 جىلى 18,2 ترلن تەڭگەگە جەتتى. بۇل ەلدىڭ جىلدىق بيۋدجەتىنىڭ 75%-ىن قۇرايدى. ساراپشىلاردىڭ باعالاۋى بويىنشا, ەلدەگى ستۋدەنتتەردىڭ 80%-ىندا نەسيە بار. پارتيا حاتشىسى ەلدار جۇماعازيەۆتىڭ ايتۋىنشا, حالىقتى نەسيەلەندىرۋ ماسەلەسىن جۇيەلى تۇردە شەشۋ ءۇشىن ءبىلىم بەرۋ مەكەمەلەرىنىڭ باعدارلاماسىن قايتا قاراۋ كەرەك.

«وزدەرىڭىز بىلەتىندەي, پارتيا «قارىزسىز قوعام» جوباسىن جۇزەگە اسىرۋ جونىندە تىڭ باستاما كوتەردى. پرەزيدەنت قاسىم-جومارت توقاەۆ ونى قولداپ, ونىڭ اۋقىمىن جالپىحالىقتىق دەڭگەيگە شىعارۋدى تاپسىردى. بۇل جۇمىسقا ۇكىمەت پەن ۇلتتىق بانك قوسىلدى. «قارىزسىز قوعام» جوباسى قارىزعا بەلشەدەن باتىپ, ءۇمىتىن ۇزگەندەرگە ناقتى قولداۋ كورسەتەدى. جوبا قولدا بار قاراجاتقا ءومىر سۇرۋگە, قاجەتسىز نەسيەدەن باس تارتۋعا ۇيرەتەدى. بارلىق ايماقتاعى ازاماتتار بۇل جوباعا قولداۋ ءبىلدىرىپ, ونى جالعاستىرۋدى سۇراپ وتىر», دەدى ول.

پارتيا حاتشىسى 2024 جىلى بارلىعى 100 مىڭ ستۋدەنت پەن 450 مىڭ وقۋشى قارجىلىق ساۋاتتىلىق بويىنشا ءبىلىم الاتىنىن اتاپ ءوتتى. قوسىمشا 200 مىڭ ازامات وقۋ كۋرستارىنان وتەدى. وسىلايشا, جوبا 750 مىڭ ادامدى قامتيدى. بيىل 80 مىڭنان استام ادام قارجىلىق ساۋاتتىلىعىن ارتتىرۋعا مۇمكىندىك الدى.

سونىمەن قاتار قازىر وقۋشىلار «جاھاندىق قۇزىرەتتىلىك» ءپانى ارقىلى قارجى سالاسى تۋرالى جاڭا ءبىلىم الىپ جاتىر. وكىنىشكە قاراي ول اتا-انالار قاۋىمداستىعىنىڭ, ساراپشىلاردىڭ جانە مەكتەپ وقۋشىلارىنىڭ ءجيى سىنىنا ۇشىراپ كەلەدى. ماسەلەنى تەرەڭ زەرتتەۋ ءۇشىن وسى جىلدىڭ 1-5 ءساۋىر ارالىعىندا ارنايى ساۋالناما جۇرگىزىلدى. زەرتتەۋگە «جاھاندىق قۇزىرەتتىلىك» ءپانى بويىنشا قارجىلىق ساۋاتتىلىقتان ساباق بەرەتىن پەداگوگتەر, سونداي-اق وقۋشىلار مەن ولاردىڭ اتا-انالارى قاتىستى. رەسپوندەنتتەردىڭ جالپى سانى 500 مىڭنان استى.

ء«ار بەسىنشى وقۋشى «جاھاندىق قۇزىرەتتىلىك» ساباعى قىزىقتىرمايتىنىن ايتتى. ونىڭ بىرنەشە سەبەبى بار: ءپان كەستەدە 7-ءشى نەمەسە 8-ءشى ساباق رەتىندە تۇر, تاقىرىپتار مۇلدەم قىزىقسىز, ال ينتەرنەتتەگى ماتەريال كەرىسىنشە قىزىقتى. سونىمەن قاتار وسى ءپان بويىنشا ساباق بەرەتىن مۇعالىمدەر جوق. ساباقتى تاريح, كوركەم ەڭبەك, دەنە شىنىقتىرۋ جانە قازاق ءتىلى مۇعالىمدەرى جۇرگىزەدى. سوعان قاراماستان, ساۋالناماعا قاتىسقان وقۋشىلاردىڭ 60%-ى قارجىلىق ساۋاتتىلىقتىڭ ماڭىزىن اتاپ ءوتتى. اتا-انالار دا ولارمەن كەلىسەدى. رەسپوندەنتتەردىڭ 78%-ى بالالارى قارجىلىق ساۋاتتىلىقتى زەرتتەۋگە نيەتتى ەكەنىن جەتكىزدى», دەدى ەلدار جۇماعازيەۆ.

«قارىزسىز قوعام» جوباسى وتكەن جىلدىڭ 2 مامىرىندا Halyk bank قولداۋىمەن پيلوتتىق رەجيمدە باستالدى. جوبانى ىسكە اسىرۋ بارىسىندا 150 مىڭعا جۋىق ادام وقۋدان ءوتتى. ساراپشىلاردىڭ دارىستەرىنەن باسقا, جوباعا قاتىسۋشىلار enbek.kz پورتالىنا تىركەلۋدەن باستاپ سۇراقتاردىڭ كەڭ اۋقىمى بويىنشا جانە سوتتان تىس بانكروتتىق سۇيەمەلدەنگەنگە دەيىن جك اشۋ, بەرەشەكتى وتەۋ كەستەسىن جاساۋ بويىنشا كەڭەس الادى. سونداي-اق وقۋ پروتسەسىندە قاتىسۋشىلارعا ادۆوكاتتاردىڭ كومەگىنە كەپىلدىك بەرىلەدى. ولار ءار قارىز الۋشىنىڭ نەسيەلىك تاريحىن جەكە زەرتتەيدى جانە قارىز جۇكتەمەسىن جەڭىلدەتۋ بويىنشا پراكتيكالىق كەڭەستەر بەرەدى.

ەسكە سالا كەتەيىك, «قارىزسىز قوعام» جوباسى بىلتىر 2 مامىردا Halyk Bank-تىڭ قولداۋىمەن قاناتقاقتى رەجيمدە باستاۋ الدى. كەيىن جوباعا تاعى 11 بانك قوسىلدى. ساراپشىلاردىڭ دارىسىنەن بولەك, جوباعا قاتىسۋشىلار enbek.kz پورتالىنا تىركەلۋ جانە جەكە كاسىپكەرلىك اشۋدان باستاپ, سوتتان تىس بانكروتتىقتى سۇيەمەلدەۋ جانە بەرەشەكتى وتەۋ كەستەسىن ازىرلەۋگە دەيىنگى ءتۇرلى سۇراقتار بويىنشا كەڭەس الادى. سونداي-اق وقۋ بارىسىندا قاتىسۋشىلارعا زاڭگەر كومەگىنە كەپىلدىك بەرىلەدى. ولار ءار قارىز الۋشىنىڭ نەسيە تاريحىن جەكە زەرتتەپ, قارىز جۇكتەمەسىن جەڭىلدەتۋ بويىنشا كەڭەس بەرەدى.

كۋرسقا جازىلۋ ءۇشىن qogamfin.kz سايتىنداعى نىساندى تولتىرۋ قاجەت. جوباعا قاتىسۋشىلار كۇندىزگى فورماتتا ساۋاتىن ارتتىرىپ, ءبىر توپتا 50 ادامعا دەيىن وقىتىلادى. ءدارىستىڭ ۇزاقتىعى – 5 جۇمىس كۇنى.