كەشە, 15 شىلدە كۇنى بۋراباي مەملەكەتتىك ۇلتتىق تابيعي پاركىنىڭ بوتانيگى يۋليا بوسسەرت كۇندەلىكتى جۇمىسى بارىسىندا گۇلدەپ تۇرعان اق تۇڭعيىق بايقاعان, دەپ حابارلايدى Egemen.kz.
قىزمەتكەر سيرەك كەزدەسەتىن وسىمدىك قازاقستاننىڭ قىزىل كىتابىنا ەنگىزىلگەنىن ەسكە سالدى. اق تۇڭعيىق - ساياباق ەكوجۇيەسىنىڭ ماڭىزدى بولىگى.
كوزدىڭ جاۋىن الاتىن ەرەكشە گۇل بەينەلەنگەن ۆيدەو ساياباقتىڭ Instagram پاراقشاسىندا جاريالانعان.
«اق تۇڭعيىق (Nymphaea alba) سۋدى تازا ۇستاۋعا كومەكتەسەدى جانە كوپتەگەن سۋ ورگانيزمدەرىنە پانا بولادى. سۋ لالاگ ۇلى ماۋسىمنان قىركۇيەككە دەيىن گۇلدەيدى, ونىڭ ءالسىز حوش ءيىسى جاقىننان عانا سەزىلەدى», دەدى بۋراباي مەملەكەتتىك عىلىمي-زەرتتەۋ كاسىپورنىنىڭ كىشى عىلىمي قىزمەتكەرى ءارى بوتانيگى يۋليا بوسسەرت.
ايتا كەتەرلىگى, اق تۇڭعيىق گۇلدەرى تاڭەرتەڭ ەرتە اشىلىپ, كەشكە جابىلىپ, كۇن باتقانعا دەيىن سۋ استىندا جاسىرىلادى.
يۋليا بوسسەرت بۇل وسىمدىكتىڭ زاڭمەن قورعالاتىنىن جانە ءبىزدىڭ قورعاۋىمىزدى قاجەت ەتەتىنىن ەسكەرۋدى سۇرادى.