تاتارستاندا جەڭىل موتورلى Cessna-172 ەكسكۋرسيالىق ۇشاعى اپاتقا ۇشىراعان, دەپ حابارلايدى Egemen.kz رەسەيدىڭ تەرگەۋ كوميتەتىنە سىلتەمە جاساپ.
«بۇگىن Cessna-172 جەڭىل موتورلى ۇشاعى كامسكوە ۋستە اۋىلىنىڭ جانىنداعى لاگەر ايماعىنا اپاتتى جاعدايدا قوندى. ۇشاق ەكسكۋرسيالىق رەيس جاساعان. بورتتا ءتورت ادام, ونىڭ ىشىندە كامەلەتكە تولماعاندار دا بولدى. وقيعا سالدارىنان ۇشاققا اۋىر تەحنيكالىق زاقىم كەلىپ, ورتەنىپ كەتتى. ءبىر ادام عانا امان قالىپ, مەديتسينالىق مەكەمەگە جەتكىزىلدى», دەلىنگەن رەسمي حابارلامادا.
انىقتالعانداي, وقيعا ورنىندا كولىكتەگى تەرگەۋ كوميتەتىنىڭ تەرگەۋشىلەرى مەن كريميناليستەرى جۇمىس ىستەپ جاتىر.
اتالعان وقيعاعا بايلانىستى قىلمىستىق ءىس قوزعالعان.