«Amanat» پارتياسى فراكتسياسىنىڭ مۇشەلەرى قايرات بالابيەۆ, نۇرسۇلتان بايتىلەسوۆ, تەمىر قىرىقباەۆ جانە ۇلاسبەك سادىبەكوۆ تۇركىستان وبلىسى ساۋران اۋدانى وراڭعاي ەلدى مەكەنىنە بارىپ, مۇمكىندىگى شەكتەۋلى جانداردى وڭالتۋ ورتالىعىنىڭ قۇرىلىسىمەن تانىستى. بۇل نىسان پارتيانىڭ سايلاۋالدى باعدارلاماسى اياسىندا سالىنىپ جاتىر.
حالىق قالاۋلىلارى قۇرىلىس-مونتاج جۇمىسى اياقتالۋعا جاقىنداعان نىساننىڭ قازىرگى جاي-كۇيىنە, ارنايى جابدىقتارمەن قامتىلۋىنا, ورتالىق اۋماعىنا بارلىق ينفراقۇرىلىمنىڭ تارتىلۋىنا, اباتتاندىرۋ جۇمىسىن جۇرگىزۋ ماسەلەسىنە باسا نازار اۋداردى.
– تۇرعىندار پارتيانىڭ اتقارىپ جاتقان جۇمىسىن ناقتى ناتيجەگە قاراپ باعالايدى. سوندىقتان پارتيانىڭ «حالىقپەن بىرگە!» سايلاۋالدى باعدارلاماسىن جۇيەلى جۇزەگە اسىرۋ وتە ماڭىزدى. تۇرعىنداردىڭ سۇرانىسىنا يە الەۋمەتتىك نىساندار ساپالى سالىنىپ, ۋاقتىلى پايدالانۋعا بەرىلۋگە ءتيىس. وسى ورتالىقتىڭ قۇرىلىسى دا پارتيانىڭ ەرەكشە باقىلاۋىندا, – دەدى دەپۋتات تەمىر قىرىقباەۆ. نىسان قۇرىلىسىنا وبلىستىق جانە رەسپۋبليكالىق بيۋدجەتتەن
2,6 ملرد تەڭگە كولەمىندە قاراجات ءبولىندى. جاڭا نىساندا ءبىر مەزەتتە 200 پاتسيەنتتىڭ ەم قابىلداۋىنا جاعداي جاسالىپ, ولاردى وڭالتۋ شارالارىمەن قامتۋ كوزدەلىپ وتىر. جوسپارعا سايكەس, تۇركىستان قالاسىنىڭ ىرگەسىندە سالىنىپ جاتقان ورتالىق بيىل قىركۇيەكتە پايدالانۋعا بەرىلەدى.