قازاقستاننىڭ وكىلى نۇرلان ەرمەكباەۆ شانحاي ىنتىماقتاستىق ۇيىمىنىڭ 2025-2027 جىلدارعا ارنالعان باس حاتشىسى بولىپ تاعايىندالدى, دەپ حابارلايدى Egemen.kz.
مۇنداي شەشىم بۇگىن استانادا وتكەن شىۇ سامميتىندە قابىلداندى. ەندى نۇرلان ەرمەكباەۆ 2025-2027 جىلدار ارالىعىندا باس حاتشى قىزمەتىن اتقاراتىن بولادى.
ن.ەرمەكباەۆ ۇيىمدى 2025 جىلدىڭ 1 قاڭتارىنان باستاپ باسقارادى, ول 2022 جىلدىڭ 1 قاڭتارىنان باستاپ باس حاتشى قىزمەتىن اتقارىپ كەلگەن قىتاي وكىلى چجان ءميندى اۋىستىرادى. قازىر ەرمەكباەۆ ۇيىمنىڭ باس حاتشىسىنىڭ ورىنباسارى.
نۇرلان ەرمەكباەۆ – قازاقستاننىڭ مەملەكەت قايراتكەرى, توتەنشە جانە وكىلەتتى ەلشىسى, ساياسي عىلىمدارىنىڭ كانديداتى. ول 2018 جىلعى 7 تامىزدان 2021 جىلعى 31 تامىزعا دەيىن قورعانىس مينيسترلىگىن باسقاردى, گەنەرال-لەيتەنانت اسكەري اتاعى بار.