پرەمەر-ءمينيستردىڭ ورىنباسارى تامارا دۇيسەنوۆا 2024 جىلعى 26 ماۋسىمدا قانشا كەنشىنىڭ مەرزىمىنەن بۇرىن زەينەتكە شىعۋ قۇقىعىن پايدالانعانىن ايتتى, دەپ حابارلايدى Egemen.kz.
تامارا دۇيسەنوۆا قازاقستاندا زياندى ءوندىرىس ورىندارىندا جۇمىس ىستەيتىن قىزمەتكەرلەرگە زەينەتكەرلىك جاسقا جەتكەنگە دەيىن ارنايى الەۋمەتتىك جاردەماقى الۋعا مۇمكىندىك بەرەتىن تۇزەتۋلەر قابىلدانعانىن ەسكە سالدى.
«جىل باسىنان بەرى پرەزيدەنت تاراپىنان قارالىپ, دەپۋتاتتاردىڭ قولداۋىنا يە بولعان زياندى ءوندىرىس قىزمەتكەرلەرىنە ارنايى ۇستەماقى تولەنىپ جاتىر. وسى كەزەڭدە الۋشىلار سانى 7140 ادامعا جەتىپ, 1,2 ملرد تەڭگە ءبولىندى», دەدى پرەمەر-ءمينيستردىڭ ورىنباسارى.
ەسكە سالا كەتەيىك, 2024 جىلدىڭ 1 قاڭتارىنان باستاپ زياندى ەڭبەك جاعدايلارىندا جۇمىس ىستەيتىن قىزمەتكەرلەردى الەۋمەتتىك قورعاۋدىڭ قوسىمشا تەتىكتەرىن ەنگىزۋ اياسىندا ارنايى الەۋمەتتىك تولەمدەر ەنگىزىلگەن بولاتىن.
55 جاسقا تولعان جانە كەمىندە جەتى جىل بويى مكزج اۋدارىلعان قىزمەتكەرلەر بۇل تولەمدەرگە قۇقىلى.