21 ساۋىردەن بەرى قىزىلوردا وبلىسىنىڭ «قازسۋشار» فيليالى ءوڭىر ديقاندارىنا 1,25 ملرد تەكشە مەتر سۋارمالى سۋ جىبەردى, دەپ حابارلايدى Egemen.kz.
بۇل تۋرالى وڭىرلىك كوممۋنيكاتسيالار قىزمەتى الاڭىندا مالىمدەگەن فيليال ديرەكتورى روللان احمەتوۆتىڭ ايتۋىنشا, فيليال ءوڭىردىڭ 866 شارۋاسىمەن 123,7 مىڭ گا ەگىس القابىن سۋارۋ ءۇشىن 2,86 ملرد تەكشە مەتر سۋ بەرۋ جونىندە كەلىسىمشارتقا وتىردى.
سونداي-اق ايماقتا جالپى ۇزىندىعى 73,4 شاقىرىم بولاتىن 22 ارنا مەحانيكالىق ادىسپەن تازالانىپ, 19 گيدروتەحنيكالىق قۇرىلىس پەن 15 گيدروبەكەتكە جوندەۋ-رەكونسترۋكتسيالاۋ جۇمىستارى جۇرگىزىلدى.
«بۇگىندە كۇرىش القابىنىڭ 97%-ى سۋمەن قامتاماسىز ەتىلدى. سىرداريا وزەنىنىڭ تومەنگى اعىسىنا شاردارا سۋ قويماسىنان كەلەتىن سۋ كولەمىنىڭ ۇلعايۋى ناتيجەسىندە قىزىلوردا وبلىسىندا سۋارۋ كەزەڭى جوسپارعا سايكەس ءوتىپ جاتىر», دەدى ر. احمەتوۆ.