ەڭ جوعارى ناتيجە

ايدوس سىندى ۇزدىكتەردىڭ قاتارى الداعى سىناق­تاردان كەيىن قالىڭداي تۇسەرىنەن ءۇمىت مول. ولاي دەي­تىنىمىز وڭىردە 1704 تۇلەك «التىن بەلگى» يەسى اتاندى, سونداي-اق 2400 وقۋشى «ۇزدىك ات­تەستات» ال­دى. ۇزدىكتەرى كوپ مەك­تەپ تە بارشىلىق. مىسالى, جەتى­­ساي اۋدانى ب.مومىش ۇلى اتىن­دا­عى №6 مەكتەپ-گيمنازياسىن ­بيىل بىتىرگەن 88 وقۋشىنىڭ 27-ىنە – «التىن بەلگى», 14 تۇلەككە – «ۇزدىك اتتەستات» تاپسى­رىلدى. جالپى, وبلىستا بيىل ۇلتتىق بىرىڭعاي تەستىلەۋگە قاتىسۋعا 27 340 وقۋشى ءوتىنىم بىلدىرگەن.

تۇلەكتەردىڭ ماماندىق تاڭ­داۋدا قاتەلەسپەي, قالاعان وقۋ ورنىندا ءبىلىم الۋى دا ما­ڭىزدى. بۇل ورايدا جوعارى وقۋ ورنىنان كەيىنگى ءبىلىمى بار كادر­لاردى دايارلاۋ ساپاسىن كو­تەرۋ, ەڭبەك نارىعىندا باسەكەگە قابىلەتتى, جۇمىس بەرۋشىلەردىڭ تالابى­نا جاۋاپ بەرە الاتىن, زاماناۋي قۇرال-جابدىقتار­دى مەڭگەرگەن ماماندار دايارلاۋعا ەرەكشە نازار اۋدا­رىلىپ وتىر. وبلىستا مەديتسينا ماماندارىنا 250-گە جۋىق كادر تاپشىلىعى بار. مامانداردىڭ جەتىسپەۋشىلىگىن شەشۋ ماقساتىندا قاراجات بو­لىن­گەن. قاجەتتى كادر­لاردى دايار­لاۋعا ارنالعان مەم­لەكەت­تىك ءبىلىم بەرۋ تاپسىرىسىن قالىپتاس­تى­رۋ جانە ءبولۋ جونىندەگى كوميسسيا وتىرىسى­نىڭ شەشىمىمەن باكا­لاۆرياتقا – ­50 ورىن بەلگىلە­نىپ وتىر. ونىڭ 15-ءى «دەنساۋلىق ساقتاۋ» ما­مان­دى­عى بولسا, 35-ءى «اق­پاراتتىق-كوممۋنيكاتسيالىق تەح­نولوگيالار» ماماندىعى بو­يىنشا. ال «دەنساۋلىق ساقتاۋ» ما­ماندىعىندا رەزيدەنتۋرادا دايارلاۋعا 139 ورىن ءبولىنىپ وتىر. سونداي-اق جاڭا وقۋ جىلىنا 15500 ورىنعا مەملەكەتتىك تاپسىرىس بەرىلدى. ونىڭ باسىم بولىگى تەحنيكالىق, قۇرى­لىس جانە اۋىلشارۋاشىلىق, اقپا­راتتىق-كوممۋنيكاتسيالىق تەحنو­لوگيالار, ءبىلىم سالالارىنا باعىتتالعان.

تۇركىستان وبلىسى