ورتا ءبىلىم: اتتەستاتتاردى تسيفرلاندىرۋ قاشان اياقتالاتىنى ايتىلدى

بيىل العاش رەت نەگىزگى ورتا جانە جالپى ورتا ءبىلىم تۋرالى اتتەستاتتار eGovMobile ءموبيلدى قوسىمشاسى ارقىلى تسيفرلىق فورماتتا قولجەتىمدى بولدى. 

2027 جىلعا دەيىن كەزەڭ-كەزەڭمەن جۇرگىزىلەدى:

2024 جىلى – وسى جىلدىڭ تۇلەكتەرىنىڭ اتتەستاتتارى; 2025 جىلى – 2010-2023 جىلدارداعى تۇلەكتەردىڭ اتتەستاتتارى; 2026 جىلى – 1991-2009 جىلدارداعى تۇلەكتەردىڭ اتتەستاتتارى;

سونىمەن قاتار تەحنيكالىق جانە كاسىپتىك ءبىلىم بەرۋ ديپلومدارىن تسيفرلاندىرۋ جالعاستىرىلىپ جاتىر: 

2024 جىلى – 2004-2023 جىلدارى بەرىلگەن ديپلومدار; 2025-2026 جىلدارى – 2004 جىلعا دەيىن بەرىلگەن ديپلومدار تسيفرلاندىرىلادى.

بۇل تۇلەكتەر مەن ولاردىڭ وتباسىلارىنا قولايلى جاعداي جاساۋ جانە ءبىلىم بەرۋ قۇجاتتارىنا قولجەتىمدىلىكتى وڭايلاتۋعا باعىتتالعان قادام.