الماتى وبلىسى ىلە اۋدانىنداعى «قازپوشتا» اق بولىمىنە شەتەلدەن كوسمەتيكالىق بۇيىمدار تۇرىندە جاسىرىلعان سالماعى 777,4 گرامم ەسىرتكى ءونىمى كاننابيس ەكستراكتى (گاشيش مايى) سالىنعان جونەلتىلىم انىقتالدى, دەپ حابارلايدى Egemen.kz.
قارجىلىق مونيتورينگ اگەنتتىگى اسا ءىرى كولەمدەگى ەسىرتكى كونترابانداسى بويىنشا سوتقا دەيىنگى تەرگەپ-تەكسەرۋ جۇرگىزىپ جاتىر.
«جونەلتىلىمدى قابىلداۋشى ەسىرتكى ونىمدەرىنىڭ زاڭسىز اينالىمى ءۇشىن بۇرىن سوتتالعان ازامات بولىپ شىقتى. ونىڭ تۇرعىلىقتى جەرى بويىنشا ءتىنتۋ بارىسىندا ەسىرتكى قولدانۋعا ارنالعان قۇرىلعىلار, قولدانىلعان ينە, زيپ-پاكەتتەر جانە ت.ب. زاتتار تابىلدى», دەپ حابارلادى قما.
اتالعان ازامات سوت شەشىمىمەن قاماۋعا الىندى, تەرگەۋ امالدارى جالعاسادى.