مەكسيكادا وتكەن پرەزيدەنت سايلاۋىندا تۇڭعىش رەت ايەل ادام جەڭىسكە جەتتى, دەپ جازادى Egemen.kz.
سايلاۋ 2 ماۋسىم كۇنى ءوتتى. ەلدە تەك جاڭا پرەزيدەنت قانا ەمەس, سونىمەن قاتار 128 سەناتور, فەدەرالدى كونگرەسستىڭ تومەنگى پالاتاسىنا 500 دەپۋتات, توعىز شتات گۋبەرناتورى, 1 مىڭنان استام مۋنيتسيپالدى دەپۋتات سايلاندى.
مەكسيكانىڭ ۇلتتىق سايلاۋ ينستيتۋتى حابارلاعانداي, كلاۋديا شەينباۋم 58,3-تەن 60%-عا دەيىن داۋىس جينادى, بۇل كورسەتكىش پرەزيدەنت قىزمەتىن اتقارۋعا جەتكىلىكتى بولدى. ونىڭ باستى باسەكەلەسى, «مەكسيكا ءۇشىن كۇش پەن جۇرەك» وپپوزيتسيالىق پارتياسىنان ۇمىتكەر سەناتور حوچيتل گالۆەس 26,6-دان 28,6%-عا دەيىن داۋىس جينادى. «ازاماتتىق قوزعالىس» پارتياسىنىڭ كانديداتى حورحە الۆارەس مەينستى سايلاۋشىلاردىڭ 9,9-10,8%-ى قولداعان.
مەكسيكالىقتار ونى كلاۋديا دەپ اتايدى. ول 61 جاستا, ەكى بالانىڭ اناسى, بيوينجەنەريا پروفەسسورى جانە توعىز ميلليوننان استام حالقى بار مەحيكو قالاسىنىڭ بۇرىنعى مەرى.
جاڭا باسشى ەلدى حالىقتىڭ 36%-ى كەدەي, ايەلدەردى ءولتىرۋدىڭ دەڭگەيى جوعارى, ۇيىمداسقان قىلمىستىق توپتاردىڭ زورلىق-زومبىلىعى كۇشەيگەن جانە اقش-پەن شەكاراداعى شيەلەنىستى كەزەڭدە 130 ميلليون حالقى بار مەكسيكانى باسقارماق.
ايتا كەتەيىك, كلاۋديا شەينباۋم وسى جىلدىڭ 1 قازانىندا ەل پرەزيدەنتى قىزمەتىنە رەسمي تۇردە كىرىسەدى.
ەرلان كيىكباي,
ل.ن.گۋميلەۆ اتىنداعى ەۇۋ ستۋدەنتى