اسقار ق ۇلىباەۆتىڭ يەلىگىندەگى مۇناي تەرمينالى مەملەكەت مەنشىگىنە قايتارىلدى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
الماتى قالاسى پروكۋرورىنىڭ تالاپ-ارىزى بويىنشا اقتاۋ حالىقارالىق تەڭىز ساۋدا پورتىنىڭ اكۆاتورياسىندا ورنالاسقان, قۇنى 66 ملن اقش دوللارى بولاتىن اۋدانى 134 گەكتار مۇناي تەرمينالى مەملەكەت مەنشىگىنە قايتارىلدى.
«تالاپ-ارىز اسقار ق ۇلىباەۆقا تيەسىلى كومپانيانىڭ شەتەلدىك ينۆەستوردىڭ مەنشىگىن زاڭسىز الىپ قويۋى ناتيجەسىندە كەلتىرىلگەن زالالدى وتەۋ ماقساتىندا بەرىلگەن», دەپ حابارلادى پروكۋراتۋرا.
انىقتالعانداي, 2011 جىلى مۇناي تەرمينالى ق ۇلىباەۆ كومپانياسىنىڭ مەنشىگىنە الىنعان. 2024 جىلدىڭ 26 اقپانىندا ماڭعىستاۋ وبلىسى مامانداندىرىلعان اۋدانارالىق ەكونوميكالىق سوتىنىڭ شەشىمىمەن الماتى قالاسى پروكۋرورىنىڭ تالاپ-ارىزى قاناعاتتاندىرىلدى, مۇناي تەرمينالى مەملەكەت مەنشىگىنە قايتارىلدى, سوت اكتىسى زاڭدى كۇشىنە ەندى.