2010 جىلدىڭ قازان ايىندا جابىرلەنۋشىدەن اقش-تان «روللس-رويس» ماركالى اۆتوكولىكتى جەتكىزۋ ءۇشىن 50 ملن تەڭگەدەن استام اقشاسىن الىپ, كەيىن بوي تاسالاعان كۇدىكتى ەلگە ەكستراداتسيالاندى, دەپ جازادى Egemen.kz.
ول 10 جىلدان استام ۋاقىت بويى جاسىرىنىپ كەلگەن. وعان قاتىستى قىلمىستىق ءىس قوزعالىپ, حالىقارالىق ىزدەۋ جاريالانعان ەدى.
باس پروكۋراتۋرا مەن ينتەرپول قىزمەتكەرلەرى قازاقستان رەسپۋبليكاسىنىڭ سىرتقى ىستەر مينيسترلىگىنىڭ بىرلەسكەن وپەراتسياسى نەگىزىندە الاياقتىق فاكتىسى بويىنشا كۇدىكتى بىرىككەن اراب امىرلىكتەرىنەن تابىلدى.
اتالعان قىلمىستى جاساعانى ءۇشىن كۇدىكتىنىڭ مۇلكى تاركىلەنىپ, 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن.
«ىزدەۋشىنى ەكستراديتسيالاۋ قازاقستان رەسپۋبليكاسى مەن بىرىككەن اراب امىرلىكتەرى اراسىنداعى قازاقستان رەسپۋبليكاسىنىڭ باس پروكۋراتۋراسى دايىنداعان 2009 جىلعى قىلمىسكەرلەردى ۇستاپ بەرۋ تۋرالى كەلىسىمنىڭ ارقاسىندا مۇمكىن بولدى», دەپ مالىمدەدى باس پروكۋراتۋرا.