1 ماۋسىم بالالاردى قورعاۋ كۇنىنە وراي ترياتلون ساياباعىندا «Charity Samruk Marathon – 2024» قايىرىمدىلىق مارافونى ءوتتى. جينالعان قاراجات ەرەكشە بالالاردى قولداۋعا جۇمسالادى, دەپ حابارلايدى Egemen.kz.
بۇقارالىق جۇگىرۋگە قاتىسقان 1200-دەن استام اۋەسقوي سپورتشىلاردىڭ كوبى – «سامۇرىق-قازىنا» اق كومپانيالار توبىنىڭ قىزمەتكەرلەرى.
جارىس 5 جانە 10 شاقىرىم قاشىقتىق بويىنشا ءوتتى. بۇدان بولەك, 400 مەترلىك جانە 1 شاقىرىمدىق جارىسقا 6 جاستان اسقان 200-دەن استام بالا قاتىستى.
بۇگىنگى ءىس-شارانىڭ ماقساتى – بۇقارالىق سپورتتى ناسيحاتتاۋمەن عانا شەكتەلمەيتىنىن, ەرەكشە بالالاردى قولداۋ ءۇشىن قاراجات جيناستىرۋ جالعاستىرىلىپ جاتقانىن ايتقان «سامۇرىق-قازىنا» اق باسقارما توراعاسى نۇرلان جاقىپوۆ: ء«بىر ايدىڭ كولەمىندە ءبىز 125 ملن تەڭگەدەن استام قاراجات جينادىق, اتالعان قاراجاتتىڭ بارلىعى استانا قالاسىنىڭ مەكتەپتەرى مەن بالاباشالارىندا ينكليۋزيۆتى كابينەتتەر اشۋعا جۇمسالاتىن بولادى», دەدى.