وسكەلەڭ ۇرپاقتىڭ وقۋ ساۋاتتىلىعىن, وقۋ بەلسەندىلىگىن ارتتىرۋ, وتباسىلىق كىتاپ وقۋ ءداستۇرىن جاڭعىرتۋ ماقساتىندا مەملەكەت باسشىسى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ IV وتىرىسىندا كىتاپ وقۋ ارقىلى الەمگە دەگەن قىزىعۋشىلىق مەكتەپتەن قالىپتاسۋعا ءتيىس ەكەنىن ايتقان بولاتىن. وسى ورايدا «وقۋعا قۇشتار مەكتەپ – وقۋعا قۇشتار ۇلت» جوباسى اياسىندا «Kitapحان» كىتاپ وقىتۋ ءادىسى ۇيىمداستىرىلىپ, ونىڭ جىلدىق قورىتىندىسى تۇركىستان قالاسىنداعى «اقجايىق» مۋزىكا مەكتەبىندە ءوتتى.
جوبانىڭ اپتالىق, ايلىق كەزەڭدەرىنىڭ ۇزدىكتەرى جىلدىق فينالعا شىعىپ, «Kitapحان» جەڭىمپازى انىقتالدى. وبلىستا كىتاپ وقۋ سايىسىنا جالپى 1000 مەكتەپ ىشىنەن 80 مىڭ مۇعالىم, جارتى ميلليون وقۋشى قاتىسىپ, سونىڭ ىشىندە اقتىق مارەگە 21 ۇمىتكەر جولداما ۇتىپ الدى. فينالدىق كەزەڭدە ىرىكتەۋدەن وتكەن قاتىسۋشىلار بەلگىلى اقىن-جازۋشىلاردىڭ ەڭبەكتەرىنەن ءۇزىندى وقىپ, قوعامدا كىتاپ وقۋدىڭ ماڭىزىنا ەرەكشە ءمان بەردى. سونداي-اق وزدەرى وقىعان كىتابىن 7 مينۋتتا قورعاپ, ناتيجەسىن ءبولىستى. بايقاۋدا باسشىلىق قۇرام اراسىنان تولەبي اۋدانى ق.ساتباەۆ اتىنداعى جالپى ءبىلىم بەرۋ مەكتەبىنىڭ ديرەكتورى لاززات ساندىباەۆا, ال ۇستازدار اراسىنان ارىس قالاسى جيدەلى جالپى ءبىلىم بەرۋ مەكتەبى فيزيكا ءپانىنىڭ مۇعالىمى نۇرسۇلۋ الىشەۆا, وقۋشىلار اراسىنان وتىرار اۋدانىنداعى س.اشىربەكوۆ اتىنداعى جالپى ءبىلىم بەرۋ مەكتەبىنىڭ 9-سىنىپ وقۋشىسى تاڭشولپان قالدىباي «Kitapحان» جەڭىمپازى اتاندى.
فينالعا شىققان بارلىق ۇمىتكەرگە تۇركىستان وبلىسى ءبىلىم جانە عىلىم قىزمەتكەرلەرىنىڭ جەرگىلىكتى كاسىپتىك وداعىنىڭ دەمەۋشىلىگىمەن قۇندى, باعالى سىيلىقتار تابىستالدى. اتاپ ايتقاندا, مەكتەپ وقۋشىلارىنا 8 ۆەلوسيپەد, 5 مەكتەپ ديرەكتورى مەن 8 مەكتەپ مۇعالىمىنە 13 تەلەديدار تارتۋ ەتىلدى. بەلسەندىلىك تانىتقاندارعا «قۇرمەت» گراموتاسى بەرىلدى. ءىس-شارانى وبلىستىڭ ءبىلىم باسقارماسىنا قاراستى ءبىلىم بەرۋدى دامىتۋ ورتالىعى ۇيىمداستىردى.
تۇركىستان وبلىسى