2020 جىلدىڭ مامىر ايىندا قاراعاندىدا ينكاسساتور ماشيناسىن ادەيى سوعىپ, اقشا ۇرلاپ كەتكەن قىلمىستىق توپتىڭ ءتورتىنشى مۇشەسى ۇستالدى, دەپ جازادى Egemen.kz Polisia.kz-كە سىلتەمە جاساپ.
قىلمىستىق توپقا 4 ادام مۇشە بولعان. ولار كولىكتەن 70 ميلليون تەڭگە مەن قارۋلارىن الىپ, وقيعا ورنىنان ىزدەرىن سۋىتقان ەدى.
سول كەزدە كريمينالدىق پوليتسيا قىزمەتكەرلەرى جۇرگىزگەن كەشەندى جەدەل-ىزدەستىرۋ ءىس-شارالارى بارىسىندا ءۇش كۇدىكتى ۇستالىپ, ولاردان 30 ميلليون تەڭگە اقشا تاركىلەنگەن ەدى. ال ءتورتىنشى كۇدىكتى قاشىپ كەتكەن ەدى. 38 جاستاعى قىلمىسكەر الماتى وبلىسىندا قولعا ءتۇستى. سوت بارىسىندا الدىن ۇستالعان 3 قىلمىسكەر ارەكەتتەرىن مويىنداماي, كىنانى قاشىپ كەتكەن ادامعا اۋدارماق بولعان ەدى. ولار 10 جىلدان 11,3 جىلعا دەيىن سوتتالدى.ءتورتىنشى كۇدىكتى 4 جىل بۇرىن جاساعان قىلمىسى ءۇشىن جاۋاپقا تارتىلادى.