گۇلدەن بايزاقوۆا ەسىمدى الەۋمەتتىك جەلى قولدانۋشىسى ەلىمىزدىڭ ونەركاسىبىن دامىتۋ ءۇشىن بارلىق قاجەتتى شارالاردى قابىلداۋ ماڭىزدى ەكەنىن ايتىپ, Facebook پاراقشاسىندا جازبا قالدىردى, دەپ حابارلايدى Egemen.kz.
«كەز كەلگەن جاعدايدا قازاقستاندى ەۋروپالىق ەلدەرمەن سالىستىرعاندى ۇناتامىز: بەنزين باعاسىنىڭ ءوسۋى, زەينەتكەرلىك جاسى, ەلەكتر ەنەرگياسى, ت.ب. ال كورشiمiز – وزبەكستاننىڭ ەكونوميكالىق احۋالىن تالدامايمىز. مىسالى, وزبەكستان ونەركاسىبىنىڭ ۇلەسى 40,2 پايىزدى قۇرايدى, ال قازاقستان بار بولعانى 27 پايىزدى قۇرايدى. قازاقستان وزبەكستاننىڭ ەكونوميكالىق جەتىستىكتەرىنە اسا ىنتامەن قاراپ, ۇلگى الىپ, سولاي ارەكەت ەتە باستاساق؟!», دەپ جازدى گ.بايزاقوۆا.
جازبا يەسىنىڭ پىكىرىنشە, ونەركاسىپ – جۇمىس ورىندارىن قامتاماسىز ەتە وتىرىپ, يننوۆاتسيالارعا جانە الەمدىك نارىقتا باسەكەگە قابىلەتتىلىكتى ارتتىرۋعا ىقپال ەتە وتىرىپ, ەكونوميكادا نەگىزگى ءرول اتقارادى. ونەركاسىپتى قولداۋ جاڭا جۇمىس ورىندارىن قۇرۋعا, ەكسپورتتىق الەۋەتتى ۇلعايتۋعا, يمپورتقا تاۋەلدىلىكتى تومەندەتۋگە, حالىقتىڭ ءومىر ءسۇرۋ دەڭگەيىن ارتتىرۋعا جانە ورنىقتى ەكونوميكالىق ءوسۋدى قامتاماسىز ەتۋگە ىقپال ەتەدى.
ەلىمىزدىڭ ونەركاسىبىن دامىتۋ ءۇشىن بارلىق قاجەتتى شارالاردى قابىلداۋ ماڭىزدى ەكەنىن ايتقان گۇلدەن بايزاقوۆا ونەركاسىپ جانە قۇرىلىس مينيسترلىگىنە ءتيىستى پەتيتسيا جولدانعانىن اتاپ ءوتتى.