پەتروپاۆلدا 94 جاستاعى زەينەتكەر 80 جاستاعى ايەلىن تاياقتاپ, ءوز ءۇيىن جارىپ جىبەرگەن, دەپ جازادى Egemen.kz astanatv.kz-كە سىلتەمە جاساپ.
قارتتاردىڭ جانجالىنا «اۋلاسىنا بوگدە ادامداردىڭ كارتوپ ەككەنى سەبەپ بولۋى مۇمكىن». اۋەلدە وسىنى تۇسىنبەگەن زەينەتكەر اتا, ونى شوبەرەسىمەن ءوزى ەككەنىن ەسكە سالعان جۇبايىنىڭ ايتقانىن ەلەمەگەن.
وسىلايشا, 94 جاستاعى زەينەتكەر ءوز ءۇيىن جارىپ جىبەرگەن. قىزىعى قاۋىپتىڭ ورتاسىندا, ءۇيدىڭ ىشىندە ءوزى دە بولعان.
كورشىلەر جارىلىس بولعان ۇيگە جەتكەندە قارت تەرەزەدەن امان شىققان.
ال ونىڭ ايەلى 80 جاستاعى گالينا كامەنەۆا جولداسىنىڭ 69 جىلدان بەرى وزىنە العاش رەت قول كوتەرگەنىن ايتىپ, كورشىسىنە جەدەل جاردەم مەن ءورت سوندىرۋشىلەردى شاقىرتقان.
قاريالاردىڭ كورشىلەرى زەينەتكەر اتانىڭ داۋ-دامايعا اۋەس بولعانىن ايتادى.
ء«ورت سوندىرۋشىلەر كەلگەندە ءۇي تولىعىمەن ورتەنىپ, كورشى ءۇيدىڭ سىرتقى قاسبەتى ورتەنە باستادى. ال زەينەتكەر تەرەزەدەن شىققان بولۋى مۇمكىن. پوليتسيا بولىمشەسىنە ازاماتتىڭ ءجونسىز ارەكەتى تۋرالى قوڭىراۋ ءتۇستى. ءبىز وقيعا ورنىنا كەلىپ, ءمان-جايدى انىقتاعىمىز كەلگەنمەن, قارت جاۋاپ بەرۋدەن باس تارتتى», دەدى پەتروپاۆل قالالىق توتەنشە جاعدايلار ءبولىمىنىڭ باسشىسى نازىمبەك ەلەمەسوۆ.
قازىر پوليتسيا بۇل فاكتى بويىنشا تەرگەۋ جۇرگىزىپ جاتىر. دەنەسىن كۇيىك شالعان 94 جاستاعى زەينەتكەردىڭ ءوزى قالالىق اۋرۋحانالاردىڭ بىرىنە جاتقىزىلدى. دارىگەرلەر ونىڭ جاعدايىن اۋىر دەپ باعالاپ وتىر.