2024 جىلعى 11 مامىردا ۇلتتىق قاۋىپسىزدىك كوميتەتى «بۇركىت» جسن جانە پروكۋراتۋرا ورگاندارىنىڭ ۇيلەستىرۋىمەن پاۆلودار قالاسىندا سينتەتيكالىق ەسىرتكى وندىرەتىن ءىرى جاسىرىن ورىندى انىقتادى, دەپ جازادى Egemen.kz.
وسى قىلمىستى جاسادى دەگەن كۇدىكپەن قازاقستان ازاماتى مەن ءۇش شەتەلدىك ۇستالىپ, سوتتىڭ سانكتسياسىمەن قاماۋعا الىندى.
پاۆلودار قالاسىنداعى ساياجاي الابى اۋماعىنداعى ءۇيدى ءتىنتۋ كەزىندە 170 كگ-نان استام «مەفەدرون», 2 توننا پرەكۋرسورلار, سونداي-اق زەرتحانالىق جابدىقتار تابىلىپ, تاركىلەندى.
تاركىلەنگەن ەسىرتكى قۇنى «قارا نارىقتا» - 4,2 ملرد تەڭگەنى قۇراسا, ال كولەمى 680 مىڭ دوزادان اسادى.
زاڭسىز ءىس-ارەكەتكە بايلانىستى قىلمىستىق كودەكستىڭ 297-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋ باستالدى.