34 جاستاعى استانا تۇرعىنى كورشىسىنىڭ اتىنان زاڭسىز 6 نەسيە راسىمدەگەن, دەپ حابارلايدى Egemen.kz.
تۇرعىن ەكى بانكتىك نەسيەنى ءموبيلدى بانكينگ ارقىلى, قالعانىن شاعىن نەسيە ۇيىمدارىنان العان.
«انىقتالعانداي كۇدىكتى كورشىسىمەن سەنىمدى قارىم-قاتىناستا بولعان جانە ونىڭ جۇمىس ىزدەپ جۇرگەنىن بىلگەن سوڭ, ول وعان كومەكتەسپەك بولعان سىڭاي تانىتقان. ءسويتىپ كورشىسىنىڭ جەكە دەرەكتەرىن يەمدەنىپ العان كۇدىكتى جالپى سوماسى 4 ميلليون تەڭگەگە ونلاين نەسيە العان. قازىر بايقوڭىر اۋدانىنىڭ پوليتسيا قىزمەتكەرلەرى كۇدىكتىنىڭ ۇستىنەن قىلمىستىق ءىس قوزعادى», دەلىنگەن ءىىم-ءنىڭ حابارلاماسىندا.
كۇدىكتى الاياقتىق ءىس-ارەكەتتى جاساعانىن مويىندادى. سونداي-اق ونىڭ استانادا وسىعان ۇقساس قىلمىستارعا قاتىسى بار-جوقتىعى انىقتالىپ جاتىر.
قىرمىزى جۇماعاليقىزى,
ەۇۋ ستۋدەنتى